Fatmir Dehari: Për mërgimtarët!
ë dashur bashkëvendas të mi.
Kthimi juaj në vendlindje përherë është i këndshëm, sepse për një çast qetësohet i përflakti mall për t’ju parë e përqafur vëllazërisht, për të ndenjur e u kënaqur bashkë miqësisht e për të diskutuar lirshëm e pa droje vazhdimisht.
Kështu ju mund edhe të vëreni te ne plot mangësi, por në sytë tanë vështroni edhe sinqeritetin, përkujdesin, llogaridhënien e transparencën e krijuar në traditë e virtytshmëri.
Për këtë gjë përherë na keni lartësuar e lavdruar, ndërsa për ne kjo tingëllimë e bukur është shndërruar në melodi motivi të fuqishëm për të punuar e për të bërë gjithnjë e më shumë.
Prandaj edhe kësaj here paraprakisht ne morëm masat e duhura për të vënë rend e rregull në komunikacionin e shtuar sezonal , në furnizimin jetik të ujit e të energjisë elektrike, pastërtia publike ,në funksionimin e përforcimin e administratës lokale, në bashkërenditjen e aktiveteve sportive e rekreative, në takimet e shpeshta me karakter kritik, këshillues e sugjerues për ne, në organizime të manifestimeve të ruajtjes së vlerave të trashëgimisë etnografike, kulturore e folklorike kërçovare e kështu me radhë.
Tash që kthimi juaj në vendet e punës është i pashmangshëm, peng do të na mbetet malli për t’u parë sërisht, ndërsa neve nuk na mbetet gjë përveç t’ju urojmë mbi të gjitha shëndet, rrugëtim të mbarë e suksese pa fund në jetë.
Mos harroni, ne mund të ecim përpara vetëm duker ruajtur paralelen e kritikës së shëndoshë e të sugjerime të frutshme, sepse këto dy parime janë orientuese në kahjen e duhur të zhvillimit kolektiv.
Mirardhshi përsëri në çdo kohë e të lumtur qofshi gjithmonë!
Shruan kryetari Fatmir Dehari në facebook duke publikuar edhe këtë foto.
FOTO:
/ms
