Amerikë zbulohet varianti i ri i Covid-it më infektues deri më tani..!

Qendrat për Kontrollin e Sëmundjeve (CDC) kanë zbuluar praninë e një varianti të ri Covid, që ka një potencial më të lartë për të infektuar njerëzit, tashmë të vaksinuar kundër virusit.
Zyrtarët kanë konfirmuar praninë e BA.2.86, një formë shumë e mutuar e Covid-19, në ujërat e zeza brenda Shteteve të Bashkuara.

CDC nuk tregoi se në çfarë vendi në SHBA, u identifikua varianti. Më parë është zbuluar në Mbretërinë e Bashkuar, Danimarkë, Afrikën e Jugut dhe Izrael, si dhe në ujërat e zeza të Zvicrës.
“BA.2.86 mund të jetë më i aftë për të shkaktuar infeksion te njerëzit që kanë pasur më parë COVID-19 ose që kanë marrë vaksina kundër COVID-19”, tha CDC të mërkurën.

Megjithatë, agjencia vuri në dukje gjithashtu se testet dhe trajtimet ekzistuese duket se janë efektive kundër variantit të ri.
“BA.2.86 është një formë shumë e mutuar e BA.1, e njohur më mirë si varianti Omicron. Varianti i ri ka mbi 30 ndryshime të aminoacideve nga i afërmi i tij më i afërt, BA.2.8, duke e bërë atë “radikalisht të ndryshëm në strukturë”, tha CDC.

Zyrtarët thanë se është shumë herët për të ditur se sa i rëndë apo i transmetueshëm është varianti i ri. Deri më tani janë konfirmuar vetëm nëntë raste.
Variantet e mutuara të koronavirusit janë përhapur me shpejtësi gjatë gjithë vitit. Në shkurt, varianti Eris filloi të përhapet në të gjithë Evropën. Deri në korrik, varianti ishte përgjegjës për afro 200,000 infeksione në mbarë botën.

Më vonë në korrik, shkencëtarët në Indonezi identifikuan variantin më jashtëzakonisht të mutuar të zbuluar ndonjëherë, në një pacient të shtruar në spital në Xhakartë.
Varianti përmbante mbi 113 mutacione unike, më shumë se dyfishi i sasisë së gjetur në variantin origjinal Omicron.

/TCH