Ahmeti: “Gurë mbas guri bëhet kalaja, fjalë mbas fjale nis belaja”..!
Kryetari i Bashkimit Demokratik për Integrim, Ali Ahmeti në një intervistë për RTK duke folur për vizitën e kryeministrit Albin Kurti dhe reagimeve nga presidenti dhe kryeministri i Maqedonisë së Veriut, tha se partitë maqedonase kanë kërkuar nga ai që të del me sharje ndaj tyre, me qëllim që atyre t’u rritet rejtingu. Ahmeti tha se këtë gjë nuk e ka bërë.
“Nuk është njësoj të dal unë të shajë dhe të kundërshtojë një parti politike dhe të dalë për shembull një parti minore tek shqiptarët që nuk e njeh as mëhalla e vete, unë këtë nuk e kam bërë, kam thënë se nuk jam i këtij ndërtimi. Unë nuk jam i ndërtuar prej ekranave televizive, as politikan, as si politikan nga kancelaritë ose nga marrëveshjet nëpër bodrume, vi krejtësisht nga një strukturë tjetër.
Unë kur të nis të shahem, nuk shahem përditë, një herë shahem. Gurë mbas guri bëhet kalaja, fjalë mbas fjale nis belaja, unë jam i kujdesshëm në këtë drejtim dhe jam i kursyer nga sharjet dhe fjalët, më tepër jam i përkushtuar te dialogu te demokracia e mirëfilltë”, theksoi Ahmeti.
“Jo njëherë opozita maqedonase ka kërkuar nga unë që t’i shajë ata, që atyre tu rritet rejtingu te komuniteti maqedonas. Por unë nuk e kamë bërë këtë. I kam thënë presidentit dhe kryeministrit të Maqedonisë mos u ngutni se ju keni rënë në grackën që është përgatitur. Jam i bindur që kryeministri dhe presidenti i Maqedonisë, e as kryeministri Kurti nuk e kanë ditur këtë dhe se kjo situatë mori dimension ndërshtetëror që nuk është i dobishëm për Kosovën sepse kështu t’i ja hap rrugën edhe Vuçiqit që të vijë dhe të thotë unë po e bëjë një tunel që lidhë Rudaren me një fshat tjetër në Serbi”, ka theksuar Ahmeti.
/tv21
