LDBK: Vizita e Albin Kurtit në Shkup dhe Tetovë Miqësore

Ditën e shtunë, më 12 gusht 2023, me ftesë të kryetarit të Tetovës-Bilall Kasami dhe me ftesë të kryetarit të çairit-Visar Ganiu, kryeministri i Kosovës – Albin Kurti ishte për vizitë në këto dy komuna.

Të dyja këto kumuna i bënë pritje madhështore, kryeministrit të Kosovës dhe gjithçka u zhvillua në kushte optimale dhe korrekte.
Por kjo ngjarje nuk i pëlqeu kryetarit të Maqedonisë së Veriut-Stevo Pendarovski i cili, lidhur me këtë ndodhi, u shpreh kundër, përmes rrjeteve sociale.

Kjo vizitë ishte e papranueshme për kryetarin e shtetit sepse në ato tubime, ikonografia e tyre nuk pëfaqësonte realitetin shumetnik të shtetit( mungonte flamuri maqedonas) dhe shpreh dyshime lidhur me vendimmarjen e këtyre dy komunave për të organizuar këtë vizitë.
Dhe për këto ngjarje, kryetari i shtetit nuk heziton të kërkojë përgjegjësi për organizatorët e tyre, duke shënjestruar Bilall Kasamin dhe Visar Ganiun dhe duke kërkuar nga organet e “drejtësisë” të bëjnë punën e tyre. Domethënë, dënimin e tyre.

Sa për informatë kryetarit:
– Kjo vizitë ishte bërë me ftesën e dy kryetarëve të komunave, Tetovës dhe çairit, Bilall Kasamit dhe Visar Ganiut të zgjedhur në mënyrë demokratike.
– I ftuari ishte Albin Kurti- kryeministër I Kosovës, shtet mik I RMV-së,
– I ftuar ishte kryeministri i një shteti demokratik që u dha shembull shteteve përrreth se si funkcionon demokracia,

– U dha shembull shteteve përrreth se si funkcionon demokracia dhe si qeveriset vendi me zero korrupcion. Gjë për të cilën nuk mund të lëvdohet kryetari Pendarovski.
– Tubimet u mbajtën të qeta, miqësore dhe të qytetruara: pa sharje, fyerje, mllefe apo thirrje për konfrontim, siç ndodhte dhe ndodh shpesh nëpër tubime publike ku disa nga bashkëqytetarët tanë maqedonas brohoritnin ”smrt na shiptarite” dhe Stevo Pendarovski nuk është shqetësuar aspak.
– Mesazhet që iu dërguan publikut ishin miqësore dhe paqësore.

– Mesazhet që iu dërguan publikut ishin mesazhe për bashkëpunim dhe bashkëveprim në dobi të të dy shteteve.
Me këtë rast Lidhja e Diasporës së Bashkuar Kërçovare, përmes këtij shkrimi, dëshiron t’i bëjë me dije kryetarit të shtetit disa të vërteta të njohura për të dhe ndoshta më pak të njohura për bashkatdhetarët në Diasporë, bashkëvendësit në Vendlindje dhe qytatrët e RMV-së:

– Stevo Pendarovski u zgjodh kryetar shteti edhe me votat e shqiptarëve në RMV, të cilat ishin vendimtare,
– Gjatë fushatës së tij me slloganin “bashka perpara” morri përsipër detyrën e vështirë të përfaqësojë interesat dhe të mbrojë të drejtat e të gjithë qytetarëve të RMV-së, përfëshirë këtu edhe shqiptarët,

– Si kryetar shteti, me automatizëm, ai merr përsipër respektimin e të gjitha institucioneve, edhe kur përgjegjës të tyre janë shqiptarët, të zgjedhura në mënyrë demokratike, detyrë kjo e vlefshme edhe për Bilall Kasamin dhe Visar Ganiun të zgjedhur edhe ato në mënyrë demokratike.
Shqiptarët si sponzorët kryesorë për zgjedhjen e Stevo Pendarovskit, kryetar i Republikës së Maqedonisë së Veriut ndjehen të zhgënjyer dhe të fyer për disa arsye:
– Sepse Stevo Pendarovski, gojarisht dhe praktikisht, jo vetëm që nuk përfaqëson edhe interesat e shqiptarëve, ashtu si premtoi, por del kundër tyre,
– Sepse Stevo Pendarovski me punën e ij të përditshme dhe perfide vepron kundër barazisë së shqiptarëve në RMV dhe ky rast është njëri nga shembujt,

– Sepse Stevo Pendarovski lejoi organizimin e regjistrimit të popullsisë me të vetmin qëllim që të shlyej edhe formalisht nga regjistrat e statistikave shqiptarët në Diasporë, pavarësiht se ajo i sjell ekonomisë së RMV-së, çdo vjet, nga 1,5 miliardë euro!
– Sepse Stevo Pendarovski doli kundër nismës për heqjen e kufizimit të përdorimit të gjuhës shqipe(minimum 20% e shqiptarëve) si kategori kushtetuese.
– Nismë kjo, që aktualizohet me me hapjen e punimeve të Kuvendit dhe që bëhet detyrë parësore e përfaqësuesve shqiptarë dhe forcave tjera politike-demokratike kuvendore.
– Sepse Stevo Pendarovski dhe partitë vasale shqiptare me veprimin apo mosveprimin e tyre ndikuan që shqiptarët të mos mund të ndërtojnë ardhmëri në Vendlindje dhe të detyrohen ta braktisin atë, braktisje me përmasa gjenocidale,

– Sepse Stevo Pendarovski bëhet krah i forcave kundërshqiptare në ndërkohë që faktori shqiptar në Gadishullin Ilirik, për dallim nga disa shtete fqinje, njohu popullin dhe shtetin e Maqedonisë dhe e mbështet atë me fjalë dhe me vepra,
– Sepse Stevo Pendarovski e lëshoi rastin ideal që, përnjëmend, të bëhet edhe kryetar I shqiptarëve në RMV.
Lidhur nga sa u tha më lart, Lidhja e Diasporës së Bashkuar Kërçovare kërkon nga Stevo Pendarovski:
1. Të tërheqë deklaratat e tij publike dhe ofenduese për vizitën e Albin Kurtit në Tetovë dhe çair,
2. T’u kërkojë falje shqiptarëve për këto deklarata ofenduese,

3. T’u kërkojë falje Bilal Kasamit dhe Visar Ganiut, për kërkesën për persekutim organeve të ndjekjes
4. Të tërheqë kërkesën për persekutim ndaj Bilall Kasamit dhe Visar Ganiut.
5. T’i kërkojë falje Albin Kurtit për pluhurin që ngriti kundër tij dhe shtetit të Kosovës.
Në të kundërtën, mirupafshim në zgjedhjet e ardhshme!

P.S.
Zoti Pendarovski,
Ne shqiptarët nuk e kemi të qartë si ka mundësi që, në shekullin 21, të trajtohemi jo si qytetarë por si armiq të shtetit, jo vetëm nga individë dhe forca të caktuara të përkatësisë etnike maqedonase por edhe nga institucione shtetërore për të cilat kemi votuar dhe po kontribojmë financiarisht përmes taksave që paguajmë?

Ndërsa shteti i Maqedonisë së Veriut ka gëzuar dhe gëzon, në çdo kohë,mbështetjen e shqiptarëve pavarësisht se ky shtet i ka trajtuar dhe po i trajton si armiq.
Ngjarjet e Ladorishtës, Bit Pazarit, Brodecit, Gostivarit, Porojit, Lubotenit, Sopotit dhe Lagjes së Trimave në Kumanovë janë disa nga dëshmitë e masakrave të kryera ndaj shqiptarëve, nga institucionet shtetërore të historisë më të re.

Politikat e urrejtjes dhe diskriminimit me plot ngarkesa nacionaliste që po zbatohen ndaj shqiptarëve në RMV, nuk shkojnë në dobi as të shtetit e as të qytetarëve të saj.
Sidoqoftë, shqiptarët, të mbështetur në trashëgiminë e tyre kulturore, të kaluarën e lavdishme historike, potencialin fizik, mendor e material do t’u bëjnë ballë sfidave të tilla dhe do të mbrojnë me sukses dinjitetin dhe qenien e tyre në vendin e të parëve.

Konsiderojmë se me komunikim, bashkëpunim dhe bashkëveprim nëmes popujve mund të arrihet paqa, liria dhe prosperiteti.
Me respekt,
Lidhja e Diasporës së Bashkuar Kërçovare
Milaim Ziberi – Kryetar

/ms