Cilat janë ndryshimet në Ligjin për Trafikun Rrugor në Zvicër..?

Në seancën e pranverës, Parlamenti miratoi ndryshimet në Ligjin e Trafikut Rrugor (SVG), të cilat do të hyjnë në fuqi nga tetori.
Një risi, për shembull, është se ata që e tejkalojnë shpejtësinë, mund të vazhdojnë të sanksionohen me një dënim minimal prej një viti dhe heqje të patentës së shoferit prej dy vjetësh.

Megjithatë, gjykatave u jepet tani më shumë liri për të marrë parasysh rrethanat e rastit individual dhe për të shmangur vështirësitë e panevojshme, shkruan 20minuten.
Siç shkruan RoadCross, ju konsideroheni shkelës nëse tejkaloni shpejtësitë e mëposhtme:

“Dënimet minimale aktuale janë vërtetuar se shpëtojnë jetë. Kjo është arsyeja pse gjëja më e rëndësishme për ne ishte që këto të mbesin në ligj”, shpjegon Willi Wismer, President i Bordit të Administrimit të RoadCross Switzerland, përcjell albinfo.ch.

Fondacioni kishte kërcënuar me referendum nëse do të hiqeshin nga ligji dënimet minimale.
Kjo do të thotë, për shembull, se ngasja shumë më shpejt se sa lejohet në një zonë me shpejtësi të kufizuar, si p.sh. mbi 100 km/h në një zonë me 50 shpejtësi ose mbi 200 km/h në autostradë.

Nuk bëhet fjalë për shkelje të vogla apo të mesme të rregullave, por për shkelje jashtëzakonisht të mëdha, shkruan 20minuten.
Përveç këtyre shkeljeve të kufirit të shpejtësisë, një shkelës është dikush që me vetëdije shpërfill rregullat bazë të trafikut dhe rrezikon një aksident që rezulton në lëndime të rënda ose vdekje. Kjo vlen veçanërisht për manovrat e parakalimeve të rrezikshme ose pjesëmarrjen në gara të paautorizuara me motor, përcjell albinfo.ch.

/albinfo