Paqja në Ballkanin Perëndimor rrezikohet nga Vuçiqi..!

Gazeta pretigjioze zvicerane “Neue Zurcher Zeitung”, shkruan mbi situatën aktuale në Ballkanin Perëndimor, veçanërisht mbi rolin destruktriv të Presidentit të Serbisë, Aleksandër Vuçiç, në Kosovë, Mal të Zi e veçanënrisht në Bosnje-Hercegovinë, ndërsa alarmon se paqja në Ballkanin Perëndimor po vihet në rrezik të madh nga politikanët serbë.

Një ndër gazetat më të respektuara në gjuhën gjermane, shkruan se përpjekjet e presidentit serb për jetësimin e projektit nacionalist të të ashtuquajturës “botë serbe” – vazhdimësi e politikës së kryefashistit serb, Slobodan Millosheviç – dhe të inspiruar nga “bota ruse” e presidentit rus, Vladimir Putin, po e cenon paqen e brishtë në rajon.

Në artikull ndër të tjera përmendet edhe kryespiuni serb, Aleksandër Vulin, tashmë nën sanksionet e Shteteve të Bashkuara të Amerikës, i cili njihet për deklaratat e tij etno-nacionaliste dhe irredentiste rreth krijimit të “botës serbe” dhe është një prej artikuluesve kryesor të këtij koncepti të mjegullt. “Sot, gati tridhjetë vjet pas përfundimit të luftës, paqja në Ballkanin Perëndimor është jo vetëm e brishtë, por është në rrezik të madh.

Kjo ka të bëjë me përpjekjet e presidentit serb Aleksandar Vuçiç për të zbatuar projektin e paraardhësit të tij Slobodan Millosheviç për krijimin e Serbisë së Madhe”, shkruan gazeta zvicerane. “Millosheviçi filloi katër luftëra midis viteve 1991 dhe 1999 për të arritur këtë qëllim. Ai vdiq gjatë gjyqit të tij për krime lufte në Hagë në vitin 2006. Vulin u sanksionua së fundmi nga SHBA-ja për besnikërinë e tij ndaj Moskës”, kujton ndër të tjera e përditshmja zvicerane.

E gazeta zvicerane nuk e lë pa e përmendur edhe presidentin ultra-nacionalist të Republikës Serbe – etniteti serb në Bosnje-Hercegovinë – Milorad Dodik, i cili ka mbështetjen e heshtur nga Rusia dhe Serbia dhe prej vitesh mbron idenë e ndarjes së entitetit serb për t’ia bashkëngjitur atë pjesë Serbisë. “Dodik, i cili ka qenë në pushtet në poste të ndryshme në Republikën Serbe që nga viti 2006 – ashtu si Putini në Rusi – është pasuria kryesore e Beogradit në Ballkanin Perëndimor. Putini e ka pritur Dodikun në Kremlin më shumë se një duzinë herë”, shkruan mes tjerash “Neue Zurcher Zeitung”.

/koha.mk