Ganiu: Bujar Osmani në një vijë me Vuçiqin për vizitën e Albin Kurtit në Çair e Tetovë! (VIDEO)

Kryetari i komunës së Çairit, Visar Ganiu, në një proncim për gazetën LAJM, ka thënë se zanafillën e reagimeve kundër vizitës së kryeministrit kosovar, Albin Kurti në Çair dhe Tetovë, i sheh tek deklaratat e Bujar Osmanit, i cili disa ditë para vizitës deklaroi se Kurti në Maqedoninë e Veriut nuk vjen si kryeministër.

“Mendoj që këto reagime e kanë zanafillën e vet. Ne kemi komunikuar në mënyrë të drejt me kabinetin e z.Kurti dhe normal që ai e ka harmonizuar edhe kërkesën e komunës së Tetovës për të marrë pjesë në evenimentin e tyre atje. Dakordimi ka qenë që tre institucionet të merremi vesh sepse agjenda e z.Kurti gjithmonë është e ngjeshur.

E di që ka pas tentativa që të ketë edhe organizim tjetër, por z.Kurti nuk ka mundur të pranojë sepse agjenda ka qenë shumë e ngjeshur dhe ndoshta në atë nerovzizëm pse nuk e takon asnjë prej kabinetit qeveritar, ju e dini një natë para se të vjen z.Kurti, Bujar Osmani del me deklaratë se Kurti vjen në Maqedoni jo si kryeministër, por ndoshta në vizitë private.

Ne nuk e kemi thirrur privatisht, por institucionalisht. Unë jam kryetar komune që përfaqësoj afër 65 mijë banorë. Ndoshta ajo deklaratë ishte shumë nxitëse dhe provokoi edhe të tjetër që pas evenimentit të reagojnë, si Kovaçevski, Pendarovski por edhe në fund të kyçet, në një vijë me deklarata, edhe Vuçiqi, presidenti i Serbisë. Nuk e shoh pse u bë gjithë ajo bujë. Ne promovojmë personalitetet tona. Adem Demaçi për ne është simbol i rezistencës dhe këtu nuk ka asgjë të keqe. Ne krenohemi dhe do të jemi krenar çdo herë që emrin e tij do të mbaj një rrugë në komunën tonë”, tha Ganiu për gazetën LAJM.

VIDEO:

/lajmpress