Kurti i mahnitur: Protokolli im nuk e ka parashikuar një tubim kaq të madh..

Kryeministri i Kosovës, Albin Kurti është pritur me koncert në Tetovë. Është shprehur tejet i mahnitur nga numri i lartë i pjesëmarrësve në këtë koncert, i cili për të paraqet tubim, transmeton TV21. Tha se në agjendën e takimeve, protokolli i tij kishte paraparë një koncert me mijëra persona, por jo edhe një tubim me kaq shumë publik.

“Teksa po e shikoja agjendën për vizitën e sotme e vura re që protokolli e kishte shkruar manifestim dhe koncert në Sheshin “Iliria” në Tetovë dhe më pas në kllapa pritën mijëra njerëz.

Unë jam shumë i lumtur teksa po takohem me juve, me kaq shumë motra dhe vëllezër të mi nga Tetova dhe nga vendbanimet tjera nga Pollogu… Protokolli im janë të zot por nuk e kanë pasur të vështirë ta parashikojnë se do të jetë një tubim kaq i madh mbresëlënës sonte sepse bëhet fjalë për Tetovën, bëhet fjalë për tetovarët”, tha Kurti.

/TV21