A po e thumbon Grubi Izet Mexhitin? Poston vargjet e Noizyt: “Ec te shpia tani merre valixhen”..!
Izet Mexhiti paralajmëroi se më 13 gusht në ditën e përvjetorit të Marrëveshjes së Ohrit do ta themelojë lëvizjen e re politike. Me këtë rast tha se në vend se të shkojnë në shtëpi, vendosën të krijojnë një lidhje demokratike në shërbim të qytetarit dhe se do të funksionojnë si opozitë, duke dhënë dorëheqje nga të gjitha pozitat në BDI.
“Ne vendosëm që të mos shkojmë në shtëpi por të bëjmë lëvizjen e re politike, lëvizjen e re demokratike, duke u bërë apel të gjithë intelektualve, të gjithë atyre që duan të kontribuojnë, të gjithë atyre që e kërkojnë votën dhe duan të jenë shërbëtor i qytetarit, në interesin qytetar, derën hapur do ta kenë në lëvizjen e re demokratike”, tha Izet Mexhiti – deputet.
Pak më vonë në facebook zv/kryeministri Artan Grubi postoi disa vargje të një kënge, me çka në opinion u kuptua si thumbim ndaj Mexhitit.
“K’ta kanë nevojë për mu sikur oksigjen
E di mo shoku, ta kuptoj edhe pozitën
Oh sa bukur pa shikoje top listën
Ec te shpia tani merre valixhen”
Këto janë vargjet e reperit Noizy, të cilat Grubi përzgjodhi për të paralajmëruar Peace Fesival ’23. E kur dikush i komentoi Grubit në publikimin e tij se nuk duhet të merret me koncerte përderisa Mexhiti është ndarë nga partia, ai ia ktheu me fjalët “Mpuq e ki”.
Përndryshe Mexhiti u nda nga BDI si rezultat i pakënaqësive ndaj punës së ekzekutivit. Ai paralajmëroi opozitë të fuqishme karshi BDI-së.
VIDEO:
/tv21
