I riu nga Kërçova dyshohet se ka shkaktuar zjarrin në burgun e Manastirit..!

Sektori për Punë të Brendshme në Manastir ka parashtruar kallëzim penal ndaj një 20-vjeçari nga Kërçova i cili dyshohet se ka djegur pjesën e paraburgimit në burgun e Manastirit para disa dite, përcjell TV21.

Nga MPB thonë se i riu ka qenë duke vuajtur personalisht vendimin për paraburgim në këtë pjesë të burgut.
Në lidhje me: Digjet pjesa për paraburgim në burgun e Manastirit, MD: 18 persona që ishin në paraburgim janë shpërndarë në burgun e Shkupit dhe Ohrit

“SPB-Manastir në Prokurorinë Themelore Publike të Manastirit ka parashtruar kallëzim penal kundër A.V.(20) nga Kërçova, për shkak të dyshimit për veprën penale “shkaktim i rrezikut publik”, që dënohet sipas nenit 288 të Kodit Penal.

Përkatësisht, më datë 11.07.2023, në periudhën prej orës 19:00 deri në ora 19:20, në Burgun e Manastirit, i akuzuari ka shkaktuar zjarr në qelinë ku ishte duke vuajtur vendimin për paraburgimin e tij, pas çka është djegur hapësira dhe dhomat e tjera në departamentin e paraburgimit”, thonë nga MPB.

/tv21.tv