Zvicër: Dënohet me kusht shefi i kantierit ku vdiq shqiptari..!

Në nëntor të vitit 2019, një punëtor ndërtimi në Zwingen vdiq në rrethana tragjike: shefi i sigurisë në një kantier ndërtimi në stacionin e trenit në komunën Laufental qe goditur nga një tren dhe kishte humbur jetën, transmeton albinfo.ch. 29-vjeçari shqiptar sapo kishte diskutuar me një punonjës para goditjes dhe ishte larguar nga zona e siguruar e kantierit.

Dy kolegë të punës që ishin të pranishëm në atë kohë tani po përballen me akuzat e vrasjes nga pakujdesia: menaxheri i kantierit, me të cilin shefi i sigurimit pati një diskutim të rëndësishëm dhe roja i sigurisë. Detyra e tij (e personit tashmë të ndjerë) ishte të siguronte sigurinë e asaj pjese të kantierit ku më në fund ndodhi aksidenti fatal.

Sipas aktakuzës, i akuzuari i që kishte pozitën e rojes për siguri të kantierit ka parë se shefi i sigurimit ishte në zonën e rrezikut, por nuk ka arritur të vërë në dukje sjelljen e tij të pamenduar “në mënyrë të pakujdesshme në shkelje të detyrës”, shkruajnë bz.ch dhe blick.ch. Akuzat ndaj menaxherit të kantierit janë të ngjashme: ai nuk e ka zhvendosur diskutimin në një vend tjetër, megjithëse kishte parë që shefi i sigurisë kishte hyrë në zonën e rrezikut.

Prokuroria publike në Bazel kërkon dënimin me burgim me kusht prej tetë muajsh me një periudhë prove prej tre vjetësh për rojen e sigurisë, trasnmeton albinfo.ch. Përveç vrasjes nga pakujdesia, ai akuzohet edhe për disa vepra në trafik në raste të tjera. Dënimi i kërkuar për menaxherin e kantierit është më i butë: një gjobë me kusht prej 120 tarifash ditore prej 180 frangash secila, për një periudhë prove prej dy vjetësh.

Aktakuza dokumenton minutat e fundit të jetës së shqiptarit të ardhur në Zvicër me prindërit e tij në moshë të vogël: Pak para mesnatës së asaj nate po punohej në Platformën 4. Martin D. së shpejti do të kishte përfunduar punën.

Menaxheri i kantierit dënohet me kusht
Gjykata e Qarkut në Bazel ka dhënë verdiktin sot, në orën 12: Menaxheri i kantierit u shpall fajtor dhe u dënua me 80 tarifa ditore prej 170 CHF secila. Periudha e provës është 2 vjet. Gjyqtari shpjegon ecurinë: Martin D. kishte ndërhyrë për shkak të sjelljes së keqe të punëtorëve dhe kishte këmbëngulur që puna të përfundonte, përcjell albinfo.ch. Menaxheri i kantierit ishte në zonën e siguruar ndërsa Martin D. në zonën e pasiguruar. Pas përfundimit të bisedës u përshëndetën me shtrëngim duarsh, D. u kthye djathtas dhe bëri një hap, në atë moment u kap nga treni që po vinte.

Roja i sigurisë lirohet nga akuza
Pika të ndryshme në sistemin e sigurisë janë kritikuar gjatë debatit para se të ndodhte fataliteti. Roja i sigurisë akuzohej se nuk e ka paralajmëruar mjaftueshëm aktivisht Martin D. Por nuk është e mundur të kuptohet nëse një paralajmërim do të kishte sjellë ndonjë gjë, nuk dihet. Prandaj, roja shpallet i pafajshëm.

Për gjykatën është e qartë se faji kryesor në këtë rast është i viktimës së aksidentit. Kjo ishte shumë tragjike sepse ai “fatalisht nuk i zbatoi vetë rregullat e sigurisë”, thotë gjyqtari. Megjithatë, të dy të pranishmit ndajnë përgjegjësinë. Të dy mund të akuzohen për shkelje të detyrës që kishin për kujdes. “Ka ndodhur një aksident”, tha gjyqtari. Një ekspertizë ka zbuluar se masat e sigurisë ishin kontradiktore.

/albinfo