Varfëria dhe standardet e ulëta janë problemet kryesore për qytetarët e Maqedonisë..!

Vetëm 4 për qind e qytetarëve të Maqedonisë thonë se kanë të ardhura të mjaftueshme, 64 për qind mezi ia dalin mbanë, 35 për qind konsiderojnë se të ardhurat e tyre janë të pamjaftueshme, 29 për qind thonë se të ardhurat e tyre familjare nuk janë aspak të mjaftueshme. Këto janë të dhënat për ekonominë në anketën e IRI-së të realizuar në muajin maj.

Ajo që ndryshon nga vitet e tjera është se tre vjet e gjysmë më parë ata që thoshin se mund ta kalonin muajin pa probleme financiare ishin 9 për qind, ndërsa në kategorinë më të vështirë ishin 17 për qind.

Pothuajse gjysma e qytetarëve, përkatësisht 45 për qind, kanë thënë se jeta e tyre është përkeqësuar, njësoj si vitin e kaluar, kur kjo përqindje ishte 53 për qind.

Anketa e IRI, e kryer nga prilli deri në maj, bazuar në një kampion prej 1204 të anketuarish, tregon se problemi kryesor për qytetarët është varfëria dhe standardi i ulët i jetesës – kështu janë përgjigjur 25 për qind.

Më pas vijojnë çmimet e larta me 24 për qind dhe gjendja ekonomike, për të cilën 23 për qind e të anketuarve thonë se është problem serioz.
E pesta në listë është papunësia me 18 për qind… Më pas si problemet më të mëdha vijojnë korrupsioni, krimi, situata e përgjithshme politike.

/zhurnal