Rruga Kërçovë – Dibër, është kryer vetëm 50% e punës ..(VIDEO)

Në rrugën rajonale Kërçovë-Dibër nga fshati Izvor deri në urën “Boshtov” në Dibër janë realizuar vetëm 50% të punimeve, gjegjësisht hapjes së trasesë. Një vit më parë kur këtë rrugë e vizitoi ekipi i TV21 ishin realizuar vetëm 23% të punimeve, që nënkupton se për 1 vit janë realizua vetëm 27% të punëve. Gjysma e punës së mbetur duhet të kryhet deri në fund muaj nëntor, kur duhet të lëshohet në përdorim. Drejtori i NP “Rrugët Shtetërore” Ejup Rustemi thotë se pritet që rruga të përfundojë në fund të vitit ashtu siç është paraparë në kontratë.

“Nga Izvori deri në Dibër kemi diku 50% të punimeve të realizuara në bazë të dinamikës dhe projektit dhe në bazë të kontratës që e kemi të nënshkruar. Tek të gjitha projektet që fillojnë realizimin shfaqen edhe punë të paparashikueshme, mund të shfaqen edhe probleme gjatë realizimit të punimeve disa probleme, disa problem të tilla gjatë realizimit ka pasur edhe në rrugën e Arbrit”, tha Rustemi.

Punimet në këtë rrugë i realizon kompania “Ilinden” të cilët thonë se kanë hasur në pengesa gjatë gërmimit të trasesë, dhe kanë arritur që të përgatisin 50% të trasesë për asfaltim.

“Gjysma e rrugës është bërë gati dhe po përgatitemi për asfaltimin e së njëjtit, një pjesë ka punë shtesë të cilat u paraqitën jashtë projektit, ne një pjesë të madhe u paraqit ndërtimi i mureve mbrojtëse të cilat duhet t’i punojmë. Shpresojmë që deri në fund të vitit do ta përfundojmë, për asfaltim janë përgatitur 50%”, tha Rade Trajkovski, Kompania “Ilinden”.
Vlera e këtij projekti është 23,74 milion euro të siguruara nga Ndërmarrja Publike “Rrugët shtetërore”.

VIDEO:

/tv21