Kasami: “Lista e zezë”, konfirmim se BDI është parti anti-shqiptare dhe e korruptuar..! (Video)
Kryetari i Lëvizjes Besa, Bilall Kasami, vlerëson se “lista e zezë” amerikane konfirmon përfshirjen e zyrtarëve të lartë të BDI-së në krim. Në një intervistë për gazetën Lajm, Kasami tha se qytetarët duhet ta kenë të qartë se BDI-ja është parti anti-shqiptare pasi, siç u shpreh ai, drejtuesit e këtij subjekti kanë tradhëtuar çështjen kombëtare për interesa të ngushta personale.
“Vlerësoj që vetë rasti i Merkos do të ketë ndonjë pasojë të madhe për BDI-në, flas pasojë politike. Por, nëse e marrim si tërësi gjithë këtë proces vlerëësoj që përfundimisht votuesit do të kenë edhe një konfirmim për atë që kanë dyshuar, atë që ne e kemi denoncuar në vazhdimësi se BDI-ja është një parti e korruptuar.
BDI-ja është një parti anti-shqiptare, BDI-ja ka tradhëtuar çështje shqiptare, funksionarët e lartë të kësaj partie kanë keqpërdorur pozitën zyrtare, për përfitime personale dhe sot e 20 vite pas ardhjes në pushtet të kësaj partie politike,ne kemi funksionarë milioner dhe shqiptarët çdo ditë marrin rrugën e kurbetit.
Pra, vlerësoj që në gjithë këtë proces, kjo vetëm do të jetë një konfirmim nga DASH dhe medoj që pas zgjedhjeve parlamentare BDI-ja do të shkojë në opozitë”, tha mes tjeras Kasami në intervistën për gazetën LAJM.
VIDEO:
/lajmpress
