Studimi: Mbi 1 miliard njerëz me diabet deri në vitin 2050

Më shumë se 1 miliard njerëz pritet që të kenë diabet në vitet që vijnë. Është ky rezultati i një studimi të ri. Sipas akademikëve, rastet me diabet do të rriten agresivisht në çdo vend dhe në çdo grupmoshë.

Studimi u publikua në revistën “The Lancet Diabetes and Endocrinology”. Aty thuhej se deri në 2050-n, rreth 1.3 miliard njerëz do të kenë diabet, më shumë se gjysma e 529 milionë rasteve që u regjistruan në vitin 2021.

Ekspertët parashikojnë që deri në vitin 2050, popullsia e botës të jetë rreth 9.7 miliard njerëz. Kjo do të thotë se 13.4 përqind e popullsisë, ose 1 në 7 apo 8 persona do të vuajnë nga diabeti.

Kërkuesit thonë se asnjë vend në votë nuk do të ketë rënie të sëmundjes.
“Diabeti është një nga kërcënimet më të mëdha të shëndetit në kohën tonë dhe do të rritet agresivisht tre dekadat e ardhshme në çdo vend, grupmoshë apo gjini, duke e bërë një sfidë të rëndë për sistemet shëndetësore në të gjithë botën”, tha Shivani Agarwal, udhëheqësi i këtij studimi.

Studiuesit sugjeruan se “racizmi strukturor dhe pabarazia gjeografike” po përshpejtojnë “krizën globale” të diabetit. Ata thanë se nivelet e diabetit në mesin e grupeve etnike pakicë në vendet e pasura janë më të larta se normat e vërejtura në grupet etnike të bardhë.

Sipas studiuesve komunitetet e margjinalizuara e kanë më të vështirë aksesin në mjekimet thelbësore apo trajtimet e reja, kanë kontroll më të keq të sheqerit dhe një cilësi më të ulët të jetesës.

/tvklan