Situata në veri: Një qytetar vendosi të falenderonte NATO-n e UÇK-në, ‘trazohet’ KFOR-i..!

Situata në veri të Kosovës duket se po afekton jetën edhe në pjesët tjera të vendit. Një ngjarje e pazakontë ka ndodhur së fundi në Deçan, pas vendosjes së një panoje në të cilën përkrahej UÇK-ja e përkrahej NATO-ja.

Kjo nxiti reagim edhe nga KFOR-i, komuna, inspektorati etj. Çka saktësisht ndodhi?
Një qytetar me emri nKastriot Hulaj kishte vendosur dy pano në rrugën “Agim Kukleci” buzë magjistrales Deçan – Pejë, në fshatin Isniq.

Në ato pano shkruhej “Falemnderit – UÇK” derisa ishin vendosur krah njëra tjetrës logoja e Ushtrisë Çlirimtare të Kosovës dhe ajo e NATO-s.
Hulaj i kontaktuar nga Nacionale ka thënë se panot i ka vendosur me vullnet të tij, duke dashur të falenderonte NATO-n dhe UÇK-në për çlirimin e Kosovës. Panoja ishte vendosur sot, më 19 qershor, por ishte planifikuar – siç na tha ai – të vendosej më 16 qershor kur ishte dita e çlirimit të Deçanit.

Kjo nuk kishte ndodhur pasi ishte vonuar kompania e kontraktuar për ta bërë një gjë të tillë.
Por, kjo e kishte shqetësuar thellë KFOR-in që e kishte kontaktuar menjëherë qytetarin.

/infoshqip