Ka pasur 44 të vdekur vetëm brenda 2023-shit si pasojë e aksidenteve rrugore në Maqedoni..! (VIDEO)
Tejkalimi i kolonës së ana e shoferit B.B. në rrugën Shkup-Bllacë dhe përplasja me makinën me targa të Kosovës, bëri që kjo e fundit të përfundojë në lumin Lepenc e si pasojë të marrë 3 jetë njerëzish.
Statistikave e MPB-së tregojnë se vetëm nga janari i këtij viti e deri në muajin maj, nga aksidentet në komunikacion e kanë humbur 44 persona.
Profesori universitar i sigurisë Bashkim Selmani thotë se institucionet policore më tepër janë të fokusuara për të gjobitur qytetarët, sesa të parandalojnë rreziqet.
“Nëse merret çështja e autostradës, çështja e rrugëve magjistrale dhe shohim se një nga pengesat bazë është koncentrimi i institucioneve policore jo në prevenimin dhe sanimin e çështjeve që kanë të bëjnë me kërcënimet apo rreziqet që kanë të bëjnë në rrugë por përkundrazi, policia këtu insiston që vetëm t’i gjobitë qytetarët por jo edhe të merret paralelisht me të edhe për çështjen e sigurisë në rrugë”, theksoi Bashkim Selmani, profesor i sigurisë.
Sipas profesorit Selmani, mungesë kulture në komunikacion ka edhe tek vet shoferët që nuk i respektojnë shenjat përkatëse.
“Prandaj kjo do të ishte një shenjë alarmuese se situata dhe raste të këtilla duhet të prevenohen dhe të shihen dobësitë institucionale po ashtu edhe ngasësve të veturave të cilët në kontinuitet nuk i respektojnë shenjat dhe ka të papritura.
Për arsye se në shumicën e rasteve ku ka rrezikshmëri, nuk respektohen shenjat përkatëse”, deklaroi Bashkim Selmani, profesor i sigurisë.
Vitin e kaluar ka pasur 7806 aksidente dhe 124 viktima.
VIDEO:
/tv21
