Çfarë ndodhi dje në Kosovë, çfarë pritet e duhet të ndodhë nesër..?

Meqë situata në veriun e Kosovës ka dalë jashtë kontrollit çdo ditë janë të pritshme të ndodhin ngjarje të ndryshme, madje edhe ato të papritshme, bie fjala sikurse ngjarja e djeshme që ndodhi ku u kidnapuan tre policë shqiptarë të Kosovës, gjersa po patrullonin në pikën kufitare me Serbinë. Kidnapimi i tyre ndodhi në mënyrë barbare ku forcat policore serbe duke thyer çdo marrëveshje ndërkombëtare kanë hyrë në territorin e Kosovës dhe në mënyrë të organizuar në vendin e tyre, pra dy kilometra janë futur në territor të Kosovës dhe kanë kidnapuar policët. Ky veprim i policisë së Serbisë më së paku i ka pëlqyer Edi Rames pasi i njëjti me çdo kusht po mundohet të krijojë një imazh pozitiv dhe pro perëndimor për Serbinë. Përderisa Rama ishte i shpejt në reagime pas çdo veprimit të Kosovës, përse heziton tani të reagojë për kidnapimin e tre policëve dhe hyrjen e policisë serbe në mënyrë ilegale brenda territorit të Kosovës?

Konferencë të jashtëzakonshme organizonte për anulim të takimit me Qeverinë e Kosovës, por tani kur pala kosovare dëmtohet nga Serbia, Edi Rama reagon me përmbajtje që po pret hetimet e KFOR-it. Çfarë do të thotë kjo, që nuk i beson institucioneve të Kosovës? Por, çfarë në realitet ndodhi dje në Kosovë, çfarë pritet të ndodhë nesër, si dhe çfarë duhet të ndodhë në vazhdim? Janë pyetjet më legjitime e normale që parashtrohen në këtë situatë të mjegulluar, shkruan Zhurnal.

Çfarë ndodhi dje në Kosovë?
Meqë situata në veriun e Kosovës ka dalë jashtë kontrollit çdo ditë janë të pritshme të ndodhin ngjarje të ndryshme, madje edhe ato të papritshme, bie fjala sikurse ngjarja e djeshme që ndodhi ku u kidnapuan tre policë shqiptarë të Kosovës, gjersa po patrullonin në pikën kufitare me Serbinë. Kidnapimi i tyre ndodhi në mënyrë barbare ku forcat policore serbe duke thyer çdo marrëveshje ndërkombëtare kanë hyrë në territorin e Kosovës dhe në mënyrë të organizuar në vendin e tyre, pra dy kilometra janë futur në territor të Kosovës dhe kanë kidnapuar policët.

E kjo ngjarja është dashtë të trazoj gjithë faktorin ndërkombëtare, e sidomos ambasadorët e vendeve të Quinit e ndërmjetësuesve ndërkombëtarë të cilët presionin e kanë orientuar në drejtim të gabuar prandaj edhe po ndodhin këto ngjarje.
Mes tjerash, ajo që është e habitshme reagimi i kryeministrit të Shqipërisë ka qenë me përplot ironi e mesazhe që nuk janë aspak në favor të Kosovës aq më pak në kulmin e situatës së tensionuar. Ai ka reaguar sa për të thënë se nuk po heshti, si dhe ka përçuar mesazh që është duke pritur përfundimin e reagimit të KFOR-it. E kjo me fjalë të tjera përkthehet që Rama nuk u beson institucioneve të Kosovës, dhe kjo e zhvendos atë me një pozicion tjetër atë që ai e ëndërron më së shumti të qenurit ndërkombëtarë.

Nga ana tjetër, prej Maqedonisë së Veriut kanë reaguar menjëherë krerët e partive politike mbi situatën e kidnapimit, i pari ishte Arben Taravari nga ASH, pas tij Ali Ahmeti nga BDI, Bilall Kasami nga Besa, si dhe të tjerët. Gjithashtu, ka reaguar edhe zëvendëskryeministri i parë i Qeverisë së RMV-së, Artan Grubi. Por, flasim për reagime pas ndodhive, dhe ende nuk kemi dëgjuar se këta politikanë e liderë të rajonit kanë zhvilluar ndonjë takim apo bisedë telefonike me kryeministrin e Kosovës si shenjë përkrahjeje në këtë situatë jo të mirë për vendin atje.

Çfarë pritet të ndodhë?
Situata ditë e më shumë po shkon drejt përshkallëzimit të përmasave më të mëdha, dhe kjo pastaj do të jetë e vështirë të rikthehet në pikën zero pa pasoja. Prandaj, ajo që pritet të ndodhë dhe ajo që duhet të ndodhë janë dy gjëra krejtësisht të ndryshme. Kështu siç ka filluar dhe siç po vazhdon pritet të ndodhin edhe inskenime e ngjarje të paparashikueshme. Nuk duhet të harrojmë që serbet janë në gjendje të bëjnë gjithçka vetëm që të paraqesin Kosovën fajtore në llupën ndërkombëtare.

Propaganda serbe shkon përtej imagjinatës, njerëzores dhe racios. Kur serbi futi shishen në prapanicë për të fajësuar shqiptarët në Gjilan, ky është rast që flet qartazi dhe në mënyrë shumë precize për propagandën e egër antishqiptare, që janë në gjendje të bëjnë një akt vandaloz antinjerëzor e jashtë çdo logjike të shëndoshë vetëm që të fajësojnë shqiptarët.

Prandaj, pritet të ndodhë gjithçka që i tejkalon edhe kufijtë e pritshmërisë, e për të mos ardhur deri në këtë situatë duhet të merren masa shumë më të ashpra, dhe presioni i ndërkombëtarëve të zhvendoset mbi Serbinë.

Çfarë duhet të ndodhë?
Ajo çfarë ka ndodhë dihet, çfarë pritet të ndodhë mund të dihet por jo saktësisht, e në fakt se çfarë duhet të ndodhë dihet plotësisht. Edhe përkundur faktit që situata është komplikuar mjaftueshëm, mund të zgjidhet lehtësisht vetëm nëse presioni i faktorit ndërkombëtarë zhvendoset dhe orientohet aty ku duhet mbi agresorin e kamotshëm, Serbinë.

Pra, duhet vetëm presion mbi Serbinë që të largojë bandat kriminele nga veriu i Kosovës, e që pas këtij akti të largohen edhe policia e të shpallen zgjedhjet e jashtëzakonshme, të marrin pjesë edhe serbët në procesin e zgjedhjeve, të vendosen katër serb në krye të katër komunave, dhe situata rikthehet siç ka qenë drejt normalizimit. Pushteti lokal me çdo kusht duhet të bashkëpunojnë me pushtetin qendror në mënyrë që të përmbush nevojat dhe detyrimet ndaj qytetarëve.

E krejt në fund, gjithë kjo situatë nuk është për të pushtuar territore thjesht për të vendosë rend dhe ligj në të gjithë territorin e Kosovës, e Albin Kurti këtë po e bënë. Vetëm duhet të lihet inati me një anë dhe kjo lehtësisht është e kuptueshme.

/Zhurnal.mk