Kadyrov lejon që Rusia t’i mbajë nën kontroll forcat çeçene, Wagner refuzon..!

Ministria e Mbrojtjes e Rusisë ka nënshkruar një kontratë me grupin Akhmat të forcave speciale çeçene, për të kontrolluar ushtritë private që luftojnë në emër të Moskës në Ukrainë, një ditë pasi Yevgeny Prigozhin, shefi i grupit rus të mercenarëve privatë Wagner, refuzoi të nënshkruajë një kontratë të tillë.

“Unë mendoj se kjo është një gjë shumë e mirë”, tha komandanti i Akhmat Apty Alaudinov pasi kreu i grupit Ramzan Kadyrov pranoi ofertën.
Marrëveshjet janë pjesë e një ligji të ri që kërkon që të gjitha “njësitë vullnetare” të nënshkruajnë kontrata deri më 1 korrik, duke i vendosur ato nën kontrollin e ministrit të Mbrojtjes të Rusisë, Sergei Shoigu.

Kremlini thotë se luftëtarët vullnetarë do të merrnin të njëjtat përfitime si trupat e rregullta nëse bien dakord me rregullat e kontratës së mbrojtjes, raporton AlJazeera, transmeton rtv21.tv.

Pasi luftimet në Belgorod të Rusisë u intensifikuan në fillim të këtij muaji, trupat e Kadyrov ka të ngjarë të jenë urdhëruar të marrin një rol udhëheqës në luftimet në Ukrainë, tha ISW.
Gjatë fundjavës, Prigozhin tha se njësitë e tij “nuk do të nënshkruajnë asnjë kontratë me ministrin rus Shoigu”.

“Shoigu nuk mund të kontrollojë siç duhet formacionet ushtarake”, tha Prigozhin në një mesazh audio.
Shefi i Wagner ka kritikuar vazhdimisht ministrinë ruse të Mbrojtjes, duke argumentuar se ajo nuk ofron mbështetje të mjaftueshme për trupat e tij në Ukrainë.
Kadyrov është përmbajtur nga kritikat ndaj ministrisë së Mbrojtjes.

/21Media