Takim parapërgatitor me Haxjinjtë e Myftinisë së Kërçovës (FOTO)

Sot, pas namazit të Xhumasë, Myftinia e Kërçovës organizoi takimin e parë përgatitor me Haxhinjtë e territorit të Myftinisë së Kërçovës.
Takimi u hap me lexim të Kuranit nga imami Adi ef. Beshiri, më pas, Myftiu Qamil ef. Rushiti përshëndeti të gjithë të pranishmit duke iu uruar fillimisht shëndet, e më pas mirësi në këtë udhëtim jetësor – Haxh.

Ndër të tjera, Myftiu tha:
“..të nisesh drejt shtëpisë së Zotit të Madhrishëm, është vlerë e papërshkruar, dhe dinie vllezër e motra se ju jeni mysafirë të Allahut të Gjithmëshirshëm, dhe jini të bindur se Zoti di më së miri si të kujdeset për mysafirët e Tij”.

Më pas, rreth vlerës shpirtërore dhe edukative të Haxhit, folën imamët e çmuar, mr. Xhabir ef. Emini dhe Emin ef. Alija.
Njëkohësisht, në mënyrë demonstrative u tregua se si kryhet veshja e Ihramit.

Allahu i shpërbleftë të gjithë pjesëmarrësit.
P.S.
Takimi i rradhës u caktua ditën e mërkurë në ora 12:00 në Myftininë e Kërçovës, dhe në Namazin e drekës, të mërkurën 14.06.2023, do të bëhet “Duaja e Haxhilerëve” në Xhaminë Sulltan Bejazit – Kërçovë.

Nisja për në vendet e shenjta bëhet të premten e ardhshme.
Me respekt
Shkruajn nga Myftinia e BFI – Kërçovë

FOTO:

/ms