“VIZ ER” QETËSON PASAGJERËT: Mbeten fluturimet e lira..

Problemet e mëdha që shkaktoi pandemia që rritën edhe koston e punës së avio transportuesve që vështirë po normalizohen. Me mungesën e stafit dhe rritjen e pagave , shtrenjtimin e karburantit që përbën 30 për qind e kostove, po rriten edhe shqetësimet e pasagjerëve për shtrenjtimin e biletave . Nga kompania “Vizer” që fluturon në më shumë destinacione nga Shkupi thonë se definitivisht nuk ka ardhur fundi i avio biletave të lira me avion, përkundër dallimit në çmime të biletave që po vërehet në kohët e fundit.

Roland Tishner, Drejtor Menaxhues dhe Zyrtar Operacional në Vizer Hungari, thotë se jo kemi të bëjmë me diçka të tillë. Për më tepër shton se çmimi është gjithmonë dinamik. Përcaktimi i çmimeve ndikohet gjithmonë nga shumë faktorë të tjerë, dhe ne e bëjmë atë gjithmonë, dinamika jonë është në përcaktimin e çmimeve, është si tek pjesa tjetër e kompanive ajrore. Një nga faktorët që ndikon në përcaktimin e çmimeve është me siguri kërkesa. Dhe është e një rëndësie të veçantë kur pasagjerët blejnë biletat e avionit, pra data kur bëhet blerja, deri në datën kur duhet të kryhet fluturimi.

BLINI BILETAT PËRPARA
“Ajo që dua të them me këtë është se sa më herët të blini biletën tuaj të avionit, aq më shumë mund të fitoni një çmim më të lirë. Gjithashtu, kostot e tjera, pra faktorë që ndikojnë në përcaktimin e çmimit, janë kostot për vetë operacionin, , çmimet e karburantit dhe sigurisht kostot e punës, apo për punësimin dhe punonjësit tanë. Por të gjithë këta faktorë mund të jenë, dhe janë të ndryshueshëm, dhe të gjithë në të njëjtën kohë mund të ndikojnë dhe mund të mos ndikojnë në përcaktimin e çmimeve.

Por ajo që ne bëjmë gjithmonë është të ofrojmë më të mirën, të japim ofertën më të mirë dhe më të përballueshme për pasagjerët tanë”, thotë Tishner. Sipas tij, çmimet e lira të fluturimeve janë të rëndësishme dhe ajo që unë do t’u rekomandoja të gjithëve është të blini biletat e avionit sa më shpejt që të jetë e mundur, dhe të merrni një çmim më të mirë dhe t’i blini ato direkt nga faqja jonë e internetit, ku mund të merrni lehtësisht një çmim më të mire.

Në ndërkohë ,qytetarët e Maqedonisë së Veriut pritet që edhe në periudhën e ardhshme të vazhdojnë të shfrytëzojnë fluturime të lira nga aeroportet në Shkup dhe Ohër. Një traditë e krijuar nga qeveria e kaluar, për subvencionimin e udhëtimeve me avion me çmime të lira, pritet që të zgjatet edhe për periudhën 2023-2025, edhe 13 vite pas vendosjes së saj në vitin 2012.

Së fundi, dy avio-kompani , “Vizer” dhe “Lufthansa”i kishin dorëzuar Qeverisë kërkesa për subvencione për futjen e linjave të reja ajrore nga dy aeroportet e pasagjerëve në vend , Aeroporti Ndërkombëtar- Shkup dhe në Ohër. Nga Ministria e Transportit thonë se subvencionimi synon zhvillimin e trafikut ajror në vend, si dhe të ketë çmime më konkurruese dhe më të përballueshme për biletat e avionëve për qytetarët. Nga Ministria e Transportit thonë se përfshihen më shumë operatorë dhe nuk lidhen kontrata me vetëm me një kompani . Njëherësh po kufizohet edhe intensiteti i subvencioneve siç kërkohet nga Komisioni Evropian, e gjitha kjo për të mundësuar sa më shumë destinacione për qytetarët dhe për të zhvilluar trafikun ajror.

VAZHDOHEN SUBVENCIONET QEVERITARE
Me thirrjen e fundit të dyja kompanitë fituan subvencione prej nga pesë milion euro për tre vite apo nga shtatë euro për pasagjer të transportuar. 10 herë në javë Lufthansa do të fluturojë 10 herë në javë me kosto të lirë për në Frankfurt, ndërsa “Vizer” ndaj 4 destinacione të reja – Lubjanë, Salsburg, Luksemburg dhe Shtutgart dhe atë nga 1 nëntori. Kompanitë ajrore detyrohen të operojnë në këto destinacione edhe për 3 vite të tjera pas përfundimit të subvencioneve. “Lufthansa” dhe “Wiz Air” për destinacionin për të cilin do të marrin mbështetje financiare do të kenë detyrim edhe pas përfundimit të subvencioneve të vazhdojnë funksionimin e linjës për periudhën për të cilën kanë marrë subvencione.

Në të kundërtën do të detyrohen të kthejnë të gjithë shumën që kanë marrë si mbështetje financiare. Nëse kompania ka marrë subvencione brenda tre viteve, ajo do të duhet të operojë atë linjë pas përfundimit të këtyre tre viteve pa e paguar shteti” , thonë nga Ministria e Transportit. Aktualisht 11 linja ajrore ofrojnë shërbime nga aeroporti i Shkupit në 36 destinacione dhe 2 nga aeroporti i Ohrit në 4 destinacione, por, përveç Viserit hungarez, të gjitha janë fluturime komerciale me bileta që kushtojnë më shtrenjtë.

2026, KANOSJE PËR BILETAT E LIRA
Mirëpo, në vitet e ardhshme, fluturimet e lira dhe ato komerciale do të kenë kosto shtesë që do të ndikojë edhe në çmimet e tyre. Sistemi i Tregtimit të Emetimeve të Bashkimit Evropian (EU ETS) kërkon që linjat ajrore të blejnë kompensime karboni për çdo ton metrikë të dyoksidit të karbonit që emetojnë në atmosferë dhe këto rregulla zbatohen për fluturimet që fillojnë dhe përfundojnë në Zonën Ekonomike Evropiane, Britaninë e Madhe dhe Zvicër. Fluturimet verore midis Britanisë së Madhe dhe vendeve të BE-së janë një me një të tretën më shtrenjtë sivjet në raport me vitin e kaluar, por kjo nuk është një luhatje aktuale, por një realitet i ri në Evropë për shkak të rregulloreve gjithnjë e më të rrepta të klimës.

Sipas rregulloreve aktuale, linjat ajrore fitojnë rreth gjysmën e këtyre kompensimeve falas, por kjo kontratë përfundon në vitin 2026, raporton Blumberg një kompani serioze e analizave të biznesit. Duke filluar nga viti 2024, linjat ajrore do të paguajnë gjithnjë e më shumë për kompensimet e karbonit dhe brenda tre viteve kostot e tyre do të trefishohen. Ndryshimet në ETS të BE-së do të zvogëlojnë fitimin e gjashtë linjave kryesore ajrore me kosto të ulët – Rajaner, Izidjet, Viz er, Vueling, Jurovings dhe Transavija me 77 për qind, dhe kjo do të çojë në një rritje të pashmangshme të çmimeve të biletave. Kompanitë me kosto të ulët do të vazhdojnë të operojnë, duke u përpjekur të ruajnë reputacionin e tyre duke i bërë më të favorshme çmimet e biletave, por nuk pritet të ketë më diferenca drastike në krahasim me konkurrencën.

/(koha.mk)