Feta Alimi: Unë sot dola nga burgu, por aty mbetën disa shokë pa faj..(Video)
Pas vuatjes së dënimit prej më shumë se gjashtë vitesh, sot nga burgu është liruar Abdylfeta Alimi, i dënuar për ngjarjet e përgjakshme në Kuvend më 27 prill të vitit 2017. Në dalje të burgut Alimi tha se liria është e shtrenjtë, megjithatë u shpreh i shqetësuar për shokët që ka lënë në burg, për të cilët tha se njëjtë si ai janë të pafajshëm. Në dalje të burgut ai u prit nga familjarët e tij të ngushtë. I pranishëm ishte dhe ish kryetari i ASH-së Zijadin Sela.
“Me shëndet jam mirë, falënderoj familjen bashkëfshatarët, gjithë shqiptarët anë e mban e sidomos mikun tim Zijadin Sela që më ka ndej mbrapa në çdo moment. Ju falënderoj dhe juve mediave që më keni përkrah.
Liria është e shtrenjtë, kam kaluar shumë kohë këtu. Vitet këtu nuk ishin të lehta por me ndihmën e Zotit i kaluam, mos e s’provovt Zoti askënd”, tha Alimi.
Ndërkohë Sela edhe njëherë ri-përsëriti se Abdylfetait i ka borxh jetën dhe se ai tanimë është vëllai i tij.
“Kam thënë se më është shtua një mik, një vëlla, një anëtar i familjes, që nga 27 prilli. Sot ndihme si një anëtar i familjes, ndjehem i lirë ashtu siç ndjehet Fetai.
Unë sot e quaj një nga ditët normale, të cilën gjatë kohë nuk e kam parë. Ndjehem dhe krenarë me pamposhtësinë dhe burrërinë e Fetait, ky burrë nuk u përul kurrë”, tha Sela.
Ndërkohë djali i Abdylfetait tha se njëkohësisht ndjehet i lumtur por dhe i emocionuar.
VIDEO:
/lajmpress
