Përsëri pritje të gjata në aeroportin e Cyrihut..

Pritjet në aeroportin e Cyrihut tashmë janë bërë të zakonshme. Që në orën 6 të mëngjesit janë krijuar radhë pritjeje tek kontrolli i sigurisë, shkruan Blick.
“Unë kurrë nuk kam përjetuar diçka të tillë,” thotë një qytetarë për Blick.

Për shkak të mungesës së stafit dhe pritjeve të gjata, qytetarja thotë se as nuk u peshua valixhja e saj. “Valixhja ime as nuk u peshua, sepse thjesht nuk kishte kohë për të” përcjellë albinfo.ch.

Situata nuk pritet të ndryshojë as gjatë sezonit të festave, pikërisht për shkak të mungesave në staf. Nga administrata e aeroportit paralajmërojnë pritje edhe në mbrëmje. “Në mëngjes, në mesditë dhe në mbrëmje ka kohë piku kur shumë fluturime ngrihen dhe zbarkohen”.

Nga administrata e aeroportit të Cyrihut u kërkojnë qytetarëve që të shkojnë më herët për të kryer kontrollet e sigurisë para fluturimit të tyre, shkruan Blick.
Arsyeja e pritjeve të gjata është mungesa e stafit në kontrollin e sigurisë, kjo pasi policia kantonale nuk ka staf për të angazhuar në aeroport.

/albinfo