Fushatë kundër Korridorit 8 apo fushatë anti-shqiptare..? (VIDEO)
“Korridori 8 është eufemizëm për lidhje të territoreve të Shqipërisë së Madhe praktikisht”, tha Dimitar Apasiev – kryetar i partisë “E Majta”.
Me këto fjalë kryetari i partisë E majta, Dimitar Apasiev u shpreh kundër korridorit 8.
Pothuajse ngjashëm u deklarua edhe kryetari i Kumanovës, Maksim Dimitrievski.
“Ju po ndërtoni një korridor pas të cilit fshihet një narrativ, e ky është narrativi shqiptar. Ky korridor lidh një trase në relacion Shkup-Prishtinë- Tiranë. Shtrohet pyetja a është vetë hartimi i korridorit pasqyrë e hartës së Iliridës të cilën shumë herë deri tash e kemi parë”, pohoi Maksim Dimitrievski, kryetar i Kumanovës.
Analisti Arben Ratkoceri thotë se po bëhet fushatë anti-korridorit 8, ndërsa deklaratat e tilla sipas tij pasqyrojnë arsyen e vërtetë të kësaj fushate të cilat përcillen tash e dy dekada.
“Rezistenca kryesisht është nga boshti i korridorit 10 Beograd-Athinë me Shkupin si nëndegë e këtij boshti ku e dimë që fryma pro serbe, apo siç e quaj unë shteti i thellë pro serb që është i instaluar sidomos në institucionet e sigurisë, shkencore dhe mediale, çdo herë kur vjen diçka që mund të jetë, apo kalkulojnë ndonjë benefit për shqiptarët rezistenca është shumë, shumë e madhe”, tha Arben Ratkoceri – analist.
Ratkoceri gjithashtu shtoi se nuk mund të akuzosh për diçka që realisht ende nuk ka filluar të ndërtohet.
VIDEO:
/tv21
