Fatmir Limani dyshon se Fazli Veliun po e kurdisin për ta çuar në Hagë..! (VIDEO)

Në kohën kur në Hagë gjykohen ish krerët e UÇK-së së Kosovës, nënkryetar i Lëvizjes Besa, Fatmir Limani hedh dyshime se kryetari i Shoqatës së Veteranëve të Luftës së UÇK-së në Maqedoni, Fazli Veliu mund të kurdiset në një proces të ngjashëm gjyqësor.

“Këto kanë mundur t’i ndajnë çmim edhe më herët si i pari i Lëvizjes, Fazli Veliut por në momentin kur u zbehën figurat dhe autoritetet shfrytëzojnë Dajën. Organizator është Lëvizja por prezent është edhe Ali Ahmeti.

Ju e dini edhe në Kosovë, gjithë kohën ciklet zgjedhore janë fituar në bazë të parullave ne jemi të parët, themelues të UÇK-së, dhe në momentin kur u përballen me gjyqet del se ne s’jemi, s’kemi patur kontroll mbi UÇK-në dhe e njëjta situatë po zhvillohet edhe këtu”, theksoi Fatmir Limani.

“Deri dje Aliu ka trumbetuar se ka prishur Jugosllavinë, nuk ka thënë së asnjë fjalim se e kemi prishur Jugosllavinë bashkë me të gjithë të burgosurit politikë dhe të gjithë dëshmorët e atdheut dhe bashkë me të gjithë luftëtarët dhe të plagosurit por të në gjitha intervistimet ka thënë se e kam prishur Jugosllavinë dhe kam qenë udhëheqës i UÇK-së ndërkohë që sot del se i pari i të gjitha këtyre procese qenka Fazli Veliu, kjo ku na çon neve, te e njëjta situatë si me Adem Demaçin në Kosovë kur erdhi puna ngushtë me Gjykatën Speciale atëherë doli se zëdhënës paska qenë Adem Demaçi dhe këtu kur vijnë ngushtë punët i pari i të gjitha këtyre proceseve paska qenë Fazli Veliu. Po, ka qenë Fazli Veliu i pari i të gjitha këtyre proceseve por pse nuk u promovua si i pari i të gjitha këtyre proceseve në këto 20 vite”, tha Limani.

Do të duhet të ketë një epilog, do të duhet të kurorëzohet të gjitha këto luftëra, do të duhet të kurorëzohen me një fajtor në fund, ai e kishte fajin dhe mbaroi, ai ishte i pari. Ata s’kanë asnjë far raporti Aliu me Fazliun qysh në zgjedhjet lokale unë hiq e më hiq, dhe tani organizohen këto gjëra.

VIDEO:

/alsatm