Kërçovë: Gropat u rihapën pa e mbushur vitin..! (VIDEO)

Këto pamje janë në disa rrugë të qytetit dhe në disa lagje, gropat e të cilave u mbushën në maj të vitit të kaluar, por tani janë hapur sërish, madje me përmasa më të mëdha. Disa nga bërë edhe më të thella dhe të pakalueshme, gjë ndodh gati çdo vit.

“Këto para meje janë gropat të cilat u mbushën vitin e kaluar dhe ende pa u mbushur plot një vit, ato kanë filluar të hapen sërish, duke u bërë edhe vrima më të mëdha të cilat në të shumtën e rasteve janë edhe të pa kalueshme nga veturat të cilat duhet të largohen në korsinë e kundërt për të kaluar rrugën”, raporton gazetarja Salije Sadiku.

Kryetari i komunës së Kërçovës Fatmir Dehari thotë se kjo ndodh si pasojë e reshjeve të shiut, nga cilësia e dobët e punës së kompanive të cilat e fitojnë tenderët, si dhe nga makineritë e rënda të cilat lëvizin nëpër qytet.

“Ndodh edhe nga mos kualiteti i punës, por megjithatë duhet të keni parasysh një fakt, jo më larg se ditën e djeshme ose pardje, këto ditë që ka mbajtur koha një pjesë e madhe e makinerive qarkullojnë brenda qytetit me pesha të rënda që nuk janë të lejuara dhe këto janë një nga shkaktarët kryesorë që ndikojnë në prishjen e rrugëve dhe pres nga organet kompetente dhe nga policia që t’i ndalojë dhe të kontribuojë në këtë aspekt, por gropat vijnë edhe si pasojë e edhe e shirave dhe motit”, tha Fatmir Dehari, kryetar i komunës së Kërçovës.

Dehari premton se gropat do të sanohen sërish, ndërsa puna do të fillojë pas një jave, për të rregulluar rrugët nëpër qytet dhe fshatrat përreth.

VIDEO:

/tv21