Nuk i dha para për kazino, tentoj ta theri me thikë..!

Një tetovar nëntëmbëdhjetë vjeçarar akuzohet nga Prokuroria Themelore Publike se ka kryer veprën penale tentim vrasje.

Sipas aktakuzës, më 7 janar, ai e ka takuar viktimën në orët e hershme të mëngjesit dhe më pas kanë shkuar në një kazino në fshatin Zhelinë.

Në kazino i ka kërkuar viktimës 50 euro të cilat i ka shpenzuar menjëherë. Më pas kanë shkuar në një kazino në fshatin Zherovjanë, ku edhe ai ka kërkuar dhe ka shpenzuar 50 euro nga viktima. Kur është kthyer i nervozuar në veturë, i dyshuari i ka kërkuar viktimës më shumë para, por ai nuk ka pranuar t’ia japë.

“Në atë moment i dyshuari ka nxjerrë një thikë nga xhepi dhe e ka kërcënuar. Viktima sërish ka refuzuar t’i japë para dhe i ka thënë të dalë nga automjeti i tij, pas së cilës i dyshuari e ka goditur me thikë disa herë në bark dhe në gjoks.

Viktima ka zbritur menjëherë nga vetura dhe ka filluar të vrapojë, ndërsa i dyshuari ka vrapuar pas tij me thikë në dorë. Ai e kapi atë dhe i dha disa goditje të tjera në shpinë dhe në kokë, duke i shkaktuar lëndime të rënda, të rrezikshme për jetën.

Viktima është rrëzuar përtokë dhe i ka dhënë të gjitha paratë që kishte me vete – rreth 300 euro, pas së cilës i dyshuari ka ikur”, ka thënë nga Prokuroria Themelore Publike .

/a1on.mk/