Zgjohu Rini…!
Shkalla e lartë e papunësisë dhe korrupsionit, mungesa e perspektivës për të ardhmen, rroga minimale, mungesa e kushteve në punë, shëndetësia pa kushte bashkëkohore.
Favorizimi i punësimeve mbi baza familjare, pasiguria dhe degjenerimi janë disa nga faktorët që detyrojnë Rininë që të braktisi vendin për një jetë më të sigurtë dhe të dinjitetshme.
Gjurmimet e bëra nëpër institucione, të cilat pajisin qytetarët me viza pune e migrimi janë të frikshme dhe dëshmojnë që mbi 4.000 shqiptar kanë braktisur vendin vetëm në vitin e fundit..
Në këtë vend pasiuguria, mitmarrja, reketimi dhe vrasjet e përditshme si nëpër filma nuk lejojnë zhvillimin përmes investimeve të jashtme, por mbjellin frigë që ekzodi të jetë edhe më i frikshëm dhe masiv.
Në këtë vend nuk kërkohet punëtori adekuat, për një vend të caktuar të punës, por i sigurohet punëtorit një vend pune në një vend të pamerituar dhe jo’adekuat.
Punësimet partiake në sistemin publik kanë shkatërruar instalimin e vlerave, duke i hapur shtegun familjarizmit në çdo pore të jetës dhe e gjithë kjo sjellë vendin në anarki të plotë !
Sektori privat, ofron më shumë mundësi punësimi, por më kushte të favorshme nga fakti i ngulfatjes nga ana e dënimeve përmes inspetoratit të kontrolluar nga kriminelët e organizuar shtetëror.
E gjitha kjo detyron sipërmarrësit që punëtorit t’i paguaj rrogë minimale dhe sigurimi pensional dhe shëndetësor të jetë nën nivelet e normales.
Marrë parasysh analizat e këtilla vijmë në konstatim që largimi i të Riut është i arsyeshëm ngase në këtë vend mungijnë të gjitha parakushtet, për të zhvilluar një jetë të dinjitetshme dhe të sigurtë.
Me largimin e të riut profesionist vendi do të mbetet në duar të shkatrrimtarve dhe si i tillë do të vetëizolohet duke shuar shpresën e jetesës, për gjeneratat e ardhshme.
Është koha dhe shansi i fundit që përmes bashkimit të Rinisë t’u tregohet “rruga” funksionarve që shkatërrojnë e shkretëtojnë vendin tonë.
Rini, zgjohu sepse shqiptari fillimisht është duke u varfëruar përmes vjedhjes dhe më pastaj nga dëbohen përmes presionit të vazhdueshëm !
Koha e Rinisë po vje !
#UnëJamBesatuarNëLëvizje
Shkruan Fisnik Ramadani
/ms
