Porositë që Ahmeti i’a çon me këngë, ja çka thotë Bejta..?

Anëtari i kryesisë së BDI-së nga i ashtuquajturi “Grupi i Zjarrit” ka komentuar edhe këngët që i lanson kreu i BDI-së, Ali Ahmeti përmes rrjeteve sociale, ku siç thuhet përmes tyre përcjell porosi tek oponentët e tij brenda dhe jashtë strukturave të BDI-së.

“Nuk ka një model të tillë tek asnjë parti politike, as në vendin tonë dhe as në Bashkimin Evropian. Asnjë politikan në Evropë nuk dërgon mesazh me këngë dhe nuk kam çfarë të them më.

Nëse ka diçka për të na thënë, ne mund të debatojmë në organet e partisë, jo të këndojmë. Nuk është shumë interesante për mua, as për qytetarët, prandaj nuk kam çfarë të them.

Nëse me një këngë u përgjigjet atyre që mendojnë ndryshe, ajo parti nuk ka të ardhme të mirë”, ka theksuar Bejta në një intervistë për Veçer.

(INA)