“Mirë se erdhe Ramazan” Myftinia e BFI – Kërçovë (FOTO)

Sot në kalanë e qytetit të Kërçovës realizuam aktivitetin i cili shënon ardhjen e muajit të begatë të Ramazanit.

Aktiviteti u hap me fjalët e Allahut Fuqiplotë, të recituara nga anëtari i Këshillit të Myftinisë, imami Adi ef. Beshiri.

Nikoqiri i këtij aktiviteti, Myftiu i Kërçovës Qamil ef. Rushiti përshëndeti të pranishmit duke theksuar se këtë vit, pas shumë vitesh, në kalanë e krenarisë, dinjitetit, rezistencës dhe ndryshimit, rikthejmë një traditë të kahmotshme, Topin antik i cili çdo natë do të shënojë kohën e iftarit.

Gjithashtu ai uroi agjërim të lehtë dhe të pranuar për të gjithë besimtarët.
Kryetari i Komunës së Kërçovës z. Fatmir Dehari theksoi se agjërimi është një ndër faktorët kryesor social i cili na bën të jemi më solidar dhe të kujdesshëm edhe ndaj skamnorëve edhe ndaj shtresave të prekura.

Programi u shoqërua me ilahitë e Ramazanit të përgatitura nga Abdulkadri dhe Ekoja.
Në fund u gjua me top dhe u lëshuan ballonat në qiell për të shënuar mirëseardhjen e mysafirit të veçantë – muajit të Ramazanit.

Gjithashtu kishim edhe një koktej modest për fëmijët dhe të pranishmit.
Allahu ua pranoftë agjërimin dhe adhurimet tuaja.
Shkruajn nga Myftinia e BFI – Kërçovë

FOTO:

/ms