Myftinia e Kërçovës themeloi drejtorinë e shërbimeve mortore

Sot, në ambientet e Myftinisë, në prezencë të Sekretarit Gjeneral të Bashkësisë Fetare Islame h. Irsal ef. Jakupi, Myftiut të Kërçovës Qamil ef. Rushiti, anëtarëve të Myftinisë, u realizua mblrdhja e rregullt e Myftinisë së Kërçovës.

Mbledhjen e hapi Myftiu i Kërçovës Qamil ef. Rushiti i cili falenderoi sekretarin Gjeneral të BFI-së për prezencën e tij bashkë me anëtarët e Këshillit të Myftinisë, njëkohësisht uroi punë të mbarë të punimeve gjatë mbledhjes.

Sekretari i BFI-së Irsal ef. Jakupi, përshëndeti punimet e mbledhjes në emër të Reisul Ulemasë h.hfz. Shaqir ef. Fetai, dhe uroi që Myftinia e Kërçovës të vazhdojë me këtë ritëm të prosperimit dhe organizimit të jetës fetare Islame.

Në këtë mbledhje, U miratuan: Raporti I punës për vitin 2022, raport I aktiviteteve për vititn 2022,
U miratua llogaria përfundimtare për vitin 2022, dhe propozim-buxheti për vitin aktual

Gjithashtu, një pikë e rëndësishme e cila ishte edhe nevojë e xhematit tonë, pra, flitet për themelimin e një drejtorie apo sektori të vecantë I cili do të merret me shërbimet e varrimit.
Kjo drejtori sot morri dritën jeshile nga këshilli I Myftinsë që vitin aktual të fillojë funksionimi I saj, meqë ndjejmë për obligim, dhe është e nevojshme, që xhemati ynë, të shërbehet në mënyrë sa më efikase dhe të organizuar gjatë rasteve të ceremonive mortore.

Marrë parasyshë edhe nevojën që deri më tani nuk kemi pasur ndonjë sistemim për mirëmbajtjen e varreve dhe cdo gjë është kryer në mënyrë vullnetare, tashmë drejtoria në fjalë, do të marrrë përgjegjësi që të kryejë mirëmbajtjen dhe pastrimin e rregullt të varrezave të qytetit që realisht janë pronë e BFI-së gjegjësisht e besimtarëve myslimanë.

Përveç kësaj, drejtoria në fjalë do të kryejë edhe këto shërbime: mirëmbajtja e rregullt e varrezave, pastrim I tyre me rregullshmëri (5-6 prona të varrezave të qytetit), hapja e varrit gjatë rasteve të vdekjes, sigurimi I qefinave, sigurimi I druve apo sic njihet tek ne pllaticat, dhe transporti I kufomave brenda qytetit.

E gjithë kjo, përballë një takse simbolike vjetore prej 1800 denarëve në familje, ose në kundërvlerë, 30 Euro, taksë me të cilën do të mbulohen harxhimet dhe pagat e punëtorëve që kryejnë shërbimin.

Drejtoria do të udhëhiqet nga drejtori dhe anëtarë të tjerë, të cilët do të raportojnë para këshillit të Myftinisë dhe Myftiut të Kërçovës.
Gjithashtu, unanimisht u votua vendimi që imamët që marrin pjesë në ceremonitë mortore- varrime, të mos kompensohen finansiarisht, përveç imamit përkatës i cili merret me përgatitjen e kufomës.

Në interes të xhematit tonë është të bëjmë dallimin mes taksës së anëtarësisë së rregullt dhe taksës për shërbimet mortore.
– Taksa e anëtarësisë nënkupton realizimin e shërbimeve fetaro- edukative brenda dhe jashtë xhamisë, kurse

– Taksa për shërbime mortore nënkupton të drejtën vetëm për ceremonitë e varrimit dhe mirëmbajtjes së vakufeve – gjegjësisht varrezave
Për këtë shpresojmë që trajtimi I pronës së BFI-së përfshirë vendprehjet e të parëve tanë, tashmë do të kenë një kujdes dhe trajtim të sistemuar.
Në planin tonë strategjik është edhe zgjerimi I veprimtarisë së kësaj drejtorie edhe në ish komunat e Zajazit dhe të Osllomesë dhe në Komunën e Pllasnicës.

/ms