Shou me patjetër të vazhdojë..

Shou me patjetër të vazhdojë që manovrimi politik të jetë më interesant për publikun

Politika nuk do të ishte politikë pa manovrime. Sidomos kur duhet të shmanget konsumimi, i cili në politikë ka një shpejtësi të rrufeshme.

Deri më sot ka pasur mutacione allasoj, por me gjasë kjo nuk i plotëson edhe aq nepset politike, prandaj dhe tani, gjoja me çarjen e partisë në dysh, po tentohet monopolizimi gjithpërfshirës i shoqërisë shqiptare në RMV, që edhe për ca kohë të mos mund të nxjerrë krye asnjë filiz në skenën tonë politike.

Skenar i orkestruar mirë, por i panevojshëm, sepse rinia ashtu-ashtu tashmë e ka braktisur këtë vend (pikërisht shkaku i kësaj politike qorre) dhe nuk do t’ia dijë më as për mbretër dhe as për përralla me mbret.

Megjithatë, shou me patjetër të vazhdojë! Pak rëndësi ka mosha dhe shtresa e publikut, niveli i perceptimit dhe sensi për estetikë…
Shkruan Prof.Dr Arbër Çeliku

/ms