Pagat janë arsyeja që të rit t’i marrin valixhet dhe të ikin..!
Kundër ka por rrogat janë shumë të vogla thonë studentët e hotelerisë dhe turizmit.
Një prej këtyre studentëve është edhe Igor Peshevski i cili thotë se me këtë drejtim vështirë mbijetohet në vendin tonë.
“Nuk na mungon kuadri kemi shumë kuadër kualitativ, kjo është një kompani në të cilën punojnë shumë njerëz cilësor në hotelieri dhe turizëm.
Ne kemi problem tjetër i cili na shqetëson veçanërisht neve që duhet të punësohemi, rrogat e vogla në hotelieri dhe turizëm”, tha Igor Peshevski, student i turizimit.
Peshevski pohon se rrogat e ulëta janë arsyeja që i detyrojnë të rinjtë t’i paketojnë valixhet dhe t’ia mësyjnë perëndimit.
“Në Maqedoni ne nuk mund të arrijmë standard për rroga më të larta, pas çka të rinjtë tanë që duhet të punojnë i paketojnë valixhet e tyre dhe shkojnë në mërgim, edhe atje situata nuk është e shkëlqyeshme por megjithatë rrogat janë më të larta”, pohoi Igor Peshevski, student i turizimit.
Këtë e vërteton fakti se shumë kuzhinierë, banakierë e kamerier, sidomos gjatë verës, shkojnë drejt Kroacisë dhe vendeve të tjera për punë, sepse rrogat janë dyfish më të larta.
“Rrogat për kamerier variojnë nga 800 deri në 1200 euro, ndërsa për kuzhinier ose krye kuzhinier nga 1700, 2000 deri në 3000 euro. Dita ditës numri është më i lartë sepse sipas meje kushtet këtu janë më ndryshe”, deklaroi Nikolla Petrevski, kuzhinier.
Përderisa kuadri i vendit largohet për pagë më të mirë, hotelierët në vendin tonë kanë mungesë kuadri dhe hasin në vështirësi për punëtorë, sidomos gjatë sezonit veror.
VIDEO:
/tv21
