Për çka ankohen më shum mërgimtarët shqiptarë..? (VIDEO)
Problemi numër 1 për të cilën vazhdimisht ankohen mërgimtarët janë pritjet e gjata në kufi. Këtë shqetësim e shprehu ministri i angazhuar për diasporë Xhemali Çupi i ftuar në emision “Pastel”.
“Për shkak se në çdo takim që e kam në diasporë një ndër arsyet e diskutimeve tona të gjata dhe debateve që unë i bëj me ata nisën prej te pika kufitare.
Pavarësisht se unë përpiqem të tregoj për shumë të reja, programe dhe për shumë iniciativa të mija, përsëri theksi ngelet te pika kufitare”, tha Xhemali Çupi, ministër i angazhuar për Diasporë.
Në bisedat që bën ministri Çupi me mërgimtarët, thotë se ka kuptuar se dëshira e tyre për t’u kthyer në vendlindje sa vjen e zvogëlohet.
“Ata tashmë të i gjithë i kanë kapacitet e tyre, institucionet dhe organizatat e tyre, aktivitetet e tyre, pastaj kanë fëmijët që merren me angazhime dhe shkollë dhe në një farë mënyrë gradualisht gjenerata e dytë dhe e tretë ka vetëm një nostalgji për vendlindjen e babait, gjyshit ose nënës apo gjyshes dhe ardhja e tyre fillon të reduktohet”, pohoi Xhemali Çupi, ministër i angazhuar për Diasporë.
Çupi thotë se ndjesia që ta krijojnë mërgimtarët në kurbet është sikur të jesh në vendlindje, ndërsa mërgimtarët gjithmonë me mburrje tregojnë për prejardhjen e tyre. Çupi zbulon se vetëm në Zvicër janë të regjistruar diku mbi 70 mijë shqiptarë nga Maqedonia.
“Sidomos në Zvicër ishte e jashtëzakonshme ndjesia, që aq shumë ishin të organizuar mes tyre, aq shumë aktivitete kishin sa që ishte një konkurrencë pozitive mes tyre se kush sa më shumë aktivitete do të bën dhe të paraqitet para të tjerëve dhe të thotë se ja unë e kam primatin për të bërë një organizim të tillë”, theksoi Xhemali Çupi, ministër i angazhuar për Diasporë.
Sipas regjistrimit të fundit të popullsisë, numri i mërgimtarëve të regjistruar është 260 606. Qytetarët të cilët kanë emigruar më së shumti jashtë janë shqiptarët, pothuajse numri është tri herë më i madh se përkatësitë tjera etnike. Shqiptarët jo rezidentë të regjistruar janë 66,36%.
VIDEO:
/tv21
