Ali Ahmeti: 20 vite jam fitimtar dhe i pamposhtur! (Video)

Kryetari i BDI-së Ali Ahmeti, në fjalimin e tij të fundvitit, ka thënë se ai dhe partia e tij, për 20 vite me radhë kanë fituar të gjitha ciklet zgjedhore në Maqedoni.

Tutje, Ahmeti u ka bërë thirrje partive politike të bashkohen rreth një fronti që do ta çonte vendin drejt anëtarësimit në Bashkimin Evropian, shkruan gazeta LAJM.

“BDI-ja ka përgjegjësi morale dhe kombëtare që gjërat t’i adresojmë ashtu siç i adresuam për 20 vite me radhë. Dhe, pikërisht ky adresim në kohë të duhur, me menaxhim të duhur, na ka bërë fitimtarë dhe të pamposhtur për 20 vite me radhë.

Por, edhe mua më keni bërë krenar ju, bartësit e përgjegjësive me mbështetjen që më keni dhënë që unë si drejtues i juaj edhe në politikat legale të jem i pamundur, i pafituar, i pamposhtur, ashtu siç ishta i pamposhtur në përpjekjet e mia 20 vjeçare për të përmbysur regjime e sistemi anti-shqiptare jugosllave”, tha Ahmeti.

VIDEO:

/Gazeta LAJM