Maqedoni: Parat e mbledhura për shërim nga ndihmat i humb në kazino..

Që bastoret sportive dhe kazionotë nuk bëjnë kujdes për moshën dhe lejojnë të mitur të luajnë, flet një rast në Tetovë, ku një 16 vjeçar me nevoja të veçanta është lejuar të luajë në kazino, përcjell FLAKA.

Që rasti të jetë edhe më tragjik, paratë që ka harxhuar 16 vjeçari, prindërit e tij i kanë mbledhur përmes bamirësve për shërimin e tij jasht shtetit. Rasti është denoncuar nga Lëvizja Anti Bixhoz.

Kryetari i kësaj lëvizje Xhemal Abdiu të premten në emisionin “Politica” në televizionin Globi tha se ky nuk është rast i vetëm, prandaj ata kërkojnë mbylljen e objekteve ku organizohen lojra fati.

“Paraqitet nëna i një fëmiju që kanë mbledhur mjetet për shërimin e tij. Ka qenë 16 vjeçar dhe e bëjmë publike këtë dhe duam të iu bëjmë medie atyre që kërkojnë punë dhe Asociacionit të Bastoreve, s’e nuk kanë nevojë për fëmijë.

Fëmiju i vedh paratë që ia kanë dhënë ndihmë të tjerët për shërim e tij dhe i harxhon nëpër kazino. Inçizime dhe dokumente kemi .

Sa para kanë qenë? – Nuk mund të flas për shumë pasi nuk e di saktë, mirëpo nëna na është paraqitur në telefon dhe qanë se paratë e grumbulluara për shërimin e të birit, ai i kishte harxhuar nëpër kazino në Shkup”, deklaron Xhemal Abdiu, kryetar i Lëvizjes Anti Bixhoz.

Ndryshe, Lëvijza Anti Bixhoz pasi nuk kaloi ligji i ri për lojrat e fatit, tani propozon referendum për mbylljen e kazionove dhe bastoreve sportive.

/FLAKA