Reth festivalit Uskana Fest nga prof. Qamil Aliu

Festivali i teatrove Uskana Fest do të kujtohet si gjëja më e bukur që iu gdhend kulturës së qyteti tonë.

Çdo natë shënonte një episod shfaqjeje vlerash çfarë jo përherë mund të shihen e të ndjehen emocionalisht.

U pa sa mund e sa përpjekje bëjnë aktorët e aktoret, regjisorët e skenografët, zëruesit, ndriçuesit e teknikët e tjerë dhe atë për një qëllim shumë fisnik: t’i dhurojnë publikut një spektakël të gjallë, një kënaqësi e përjetim të llojit të vet.

Shpërblimi që merrnin si dhuratën më të dëshirueshme ishte përzemërsia e duartrokitjeve të gjata të publikut.

Prandaj fort dua që një ditë të dëgjoj lajmin se njerëzit e artit skenik do të marrin rrogën e ministrit, ndonëse për punën që bëjnë janë më meritorë se një pagë e cilitdo pushtetasi.
Urime dhe suksese edhe organizatorëve të spektaklit të madh Uskana Fest!

/ms