Gjermania po bëhet parajsa e re për rininë Shqiptare..!

Të dhënat e Eurostat tregojnë se Iejet e qëndrimit që jep Gjermania për shtetasit shqiptarë kanë nisur të rriten ndjeshëm që nga viti 2018, duke e bërë këtë vend një strehë të re për ta.

Në atë vit, mbi 10 mijë qytetarë shqiptarë morën leje për të jetuar dhe punuar në ekonominë më të madhe në Evropë.

Në vitin 2019, numri i tyre i kaloi 12 mijë. Në vitin 2020, pavarësisht pandemisë dhe kufizimeve të rrepta të lëvizjes, janë dhënë rreth 8300 leje qëndrimi, shkruan Gazeta Monitor.

Në total, që nga viti 2008, kur Instituti Shqiptar i Statistikave, INSTAT, nisi të publikonte të dhënat, Gjermania ka dhënë gjithsej 48.5 mijë leje, ku 64 për qind e tyre janë dhënë në periudhën 2018-2020.

Në vitet e mëparshme Gjermania nuk u jepte përparësi shtetasve shqiptarë. Për shembull, në vitin 2011, viti i parë që u hoqën vizat për lëvizje brenda vendeve të BE-së, Gjermania lëshoi vetëm 350 leje qëndrimi për shtetasit shqiptarë.

Në vitin 2020, Gjermania renditet për herë të parë si vendi i dytë për lejet e dhëna shtetasve shqiptarë, me 22 për qind të totalit, e ndjekur nga Italia me 34 për qind dhe Greqia me 20,6 për qind.

Historikisht, Italia dhe Greqia janë dy vendet më të dëshirueshme për shqiptarët që duan të jetojnë dhe punojnë jashtë vendit por duket se kjo po ndryshon.

Mendohet se mund te jene mbi S0mijë Shqiptar emigrant ne Greqi dhe Itali te cilet ne vitet e fundit jane zhvendosur ne Gjermani per arsye financiare dhe ky numer vazhdimisht po rritet.

Shikuar veçmas, qytetarët që kanë marrë leje qëndrimi për arsye familjare tregojnë se në vitin 2019-2020 largohen kryesisht si familje, ndërkohë që gati 40 për qind e lejeve iu dhanë fëmijëve nën 14 vjeç, sipas analizës së gazetës.

Mjekët, personeli mjekësor dytësor dhe inxhinierët e IT-së shkuan kryesisht në Gjermani.
Statistikat e Eurostat konfirmojnë se nga viti 2008 deri në vitin 2020 janë rreth 700 mijë shtetas shqiptarë që kanë marrë leje qëndrimi në një nga vendet e Bashkimit Evropian.

Kur marrim parasysh edhe numrin e madh te Shqiptareve nga Kosova dhe Maqedonia e veriut ne Gjermani si dhe trendin ne rritje te emigirimit te rinise Shqiptare ne Gjermani ne keto vite, parashtrohet pyetja a do kemi se shpejti 1 miljon Shqiptare ne Gjermani?

/Monitor.al