Ajri i ndotur në Kërçovë, Manastir dhe Ohër..! (VIDEO)

Kërçova, Manastiri dhe Ohri, mbrëmë kanë qenë me ajër shumë të ndotur, sipas stacioneve që matin cilësinë e ajrit.

Këto qytete ditëve të fundit po përballen me grimca PM10 që janë shumë të larta. E në këto dy qytete punojnë pa ndërprerë së fundmi edhe dy termoetektranat Osttome dhe Manastir.

“Ky që po shihni prapa meje është një stacion matës i cili ndodhet në qytetin e Kërçovës, ky stacion matës për ndotjen e ajrit ka treguar se gjatë ditës së djeshme në Kërçovë grimcat PM10 kanë qenë 200 mg/m3, që i bie se janë katër herë më të larta grimcat PM10 në ajër se sa e lejuara që është 50mg/m3”, raporton Salije Sadiku-gazetare e TV21.

Edhe gjatë ditës së sotme vendin e parw si qytet me ajër më të ndotur e mban Kërçova, i pasuar nga Manastiri, por me një rënie të vogël të grimcave PM10.

Ndërkaq në nivel botërorë Maqedonia ka disa vite që po renditet ndër shtetet me ajrin më të ndotur.
Këtë vit vazhdojmë të qëndrojmë të renditur në vendin e dymbëdhjetë, ndërsa vendin e parë në Botë e ka Pakistani pasuar nga India, Bangladeshi etj.

Ky problem , sidomos gjatë periudhës së dimrit është shumë evident në vendin tonë. Deri më tani nuk janë marrë masa konkrete nga institucionet përkatëse përveç thirrjes që ju bëjnë banorëve që mos të djegin materiale që ndotin ajrin.

VIDEO:

/tv21