Ja sa paguan Zvicra në muaj për penzionerat jashtë vendit..!

Pensionet nga Zvicra, me vlerë mbi 627 milionë CHF paguhen çdo muaj në 180 vende të botës, transmeton albinfo.ch. Në vitin 2022 është tejkaluar shifra e pensionit të miliontë AHV/IV të sigurimit të paguar jashtë vendit.

Numri i pensioneve AHV/IV është në rritje të vazhdueshme – që nga viti 2011 është shënuar një rritje prej 21.1 për qind, ka njoftuar të enjten Zyra Qendrore e Kompensimit (ZAS).

Për të përthithur rritjen e pensioneve, ZAS kërkon të forcojë dixhitalizimin në zonën e shtyllës së parë të sigurimeve.

Projekte të shumta synojnë automatizimin e përpunimit të përfitimeve dhe po promovojnë zhvillimin e platformave dixhitale për personat e siguruar dhe institucionet partnere.

Lufta kundër mashtrimit në sigurime – një nga prioritetet strategjike të ZAS-it – e merr parasysh këtë zhvillim, transmeton albinfo.ch.

Këtu ndihmon shkëmbimi elektronik i të dhënave me shumë vende, në të cilat janë rezidentë përfituesit e pensionit.

ZAS, me seli në Gjenevë, është veçanërisht përgjegjëse për pagesën e pensioneve të pleqërisë dhe invaliditetit për personat që banojnë jashtë vendit.

/albinfo