Babai me lot në sy tregon se si humbi djalin në aksident trafiku dhe fajtori është dënuar vetëm me një vit burg (VIDEO)

I gjendur përpara një sfide shumë të rëndë Ekrem Ramadni sot përpara gjykatës në Tetovë me lot në sy në detaje ka treguar për aksidentin tragjik që ka ndodhur në autostradën Tetovë-Shkup ku ka humbur jetën djali I tij dhe fajtori është dënuar vetëm me një vit burg, raporton Tetovasot

“Në afërsi të mbikalimit në Trebosh djali im ka qenë në Shkup për punë dhe e ka dërguar shefi I tij, ku është kthye I është prishur vetura dhe është ndalur në korsinë e emergjencës, kanë thirrur pronarin dhe e kanë pritur që të vij të ju ndihmoj në largimin e automjetit të prishur nga autostrada ose gjegjësisht nga vend parkimi në korsinë e ndalimit emergjent.

Ka ardhur pronari dhe duke I përgatitur mjetet vjen I akuzuari ose tash fajtori me shpejtësi të madhe e godet një cisternë përpara dhe mundohet të merr kontrollin, kalon në korsin e emergjencës dhe aty e godet makinën e parkuar të djalit tim me shpejtësi të madhe dhe ajo makinë dhe ajo goditje ka qenë fatale për djalin tim.

Gjykimin e kanë bërë, ashtu gjykim skam parë dhe në fund autori dënohet vetëm me një vit burg, kjo është një vendim shumë I dobët dhe nuk jam aspak I kënaqur si prind.

Sepse të marrish një jetë dhe të dënohesh me një vit burg është gjë shumë e ulët, djali ka lënë tre fëmijë jetimë dhe ata janë buzë greminës së mbijetesës unë jam me pension 9000 denarë dhe nuk ka mundësi të ju ndihmoj fare dhe ata përballen me ekzistencën.

Unë lus gjykatën e apelit që të sjellë drejtësinë në vend si dhe ministrin e drejtësisë, zëvendësministri I drejtësisë të angazhohen dhe të shohin se si punohet këtu tek ne.

Tek gjyqësori nuk kemi aspak besim, do i shihni dokumentat aty ka shumë lëshime ose gabime me apo pa vetëdije nuk e di, e para aty shkruhet se aksidenti ka ndodhur me makinë golf-4, kjo nuk është e vërtetë sepse makina ka qenë golf-6.

Asnjë fjalë e imja që kam thënë në gjykatë nuk është evidentuar aty dhe shpejtësia me të cilën është bërë aksidenti ka qenë 105 kmh, paramendoni përpara është goditur cisterna, fajtori ka frenuar 20 metra dhe ka goditur makinën e birit tim dhe e fundit dhe më e rëndësishmja është se e kanë shkruar që djali im ka ndërruar jetë në spital që nuk është e vërtetë sepse djali im ka ndërruar jetë në vendin e ngjarjes” deklaron Ekrem Ramadani përpara mediave , përcjell Tetovasot

VIDEO:

/ts