Transportonte dru me dy kuaj, policia arreston personin..

SPB-Tetovë njofton se ka arrestuar një 31-vjeçar i cili është kapur duke transportuar dru pa dokumentacion përkatës.

Nga SPB-Tetovë thonë se të njëjtit i janë konfiskuar drutë dhe një sharrë motorike.

“Pjesëtarët e policisë e SPB-Tetovë dje (15 nëntor) rreth orës 13:45 në Palçishtë të Poshtëm të Tetovës kanë ndaluar 31-vjeçarin E.M. nga ky fshat, i cili paraprakisht në rrugën lokale kishte qenë duke transportuar dru zjarri me dy kuaj pa poseduar dokumentet e nevojshme.

Atij i janë konfiskuar drutë dhe një sharrë motorike dhe i janë dorëzuar Policisë Pyjore për veprime të mëtejshme, pas së cilës kundër E.M. do të vijojë një parashtresë përkatëse”, thonë nga SPB-Tetovë.

/tv21