TEC “Osllome” për 4 vjet do ta mbajë veten me qymyr..(VIDEO)

2 milionë tonë qymyr pritet të nxirret nga vendi i quajtur Gushtericë afër Termocentralit të Osllomesë në Kërçovë.

Vetëm për këtë sezon ngrohjeje pritet që nga ky vend të shfrytëzohet 150 mijë tonë thëngjill.

Me këtë, në 4 vitet e ardhshme TEC Osllome do të furnizohet me qymyrin e saj dhe nuk do të ketë nevojë që të sillet qymyr nga jashtë vendit, tha drejtori gjeneral i EMV-së Vasko Kovaçevski.

“Me këto aktivitete po kryhet zbulim dhe shtesë do të nxirret rreth 150 mijë tonë qymyr, ky qymyr do të shfrytëzohet për këtë sezon ngrohje dhe do të ndihmojë në vazhdimin e funksionimit të kombinatit “TEC Osllome”, çmimin e prodhimit të këtij qymyri që do e nxjerrim nga ky lokacion, çmimi i tij do të jetë rreth 36 euro për 1 ton që është trefish më i ulët se çmimi i blerjes së qymyrit që e sjellim në TEC Osllome”- deklaroi Vasko Kovaçevski, Drejtor Gjeneral i EMV.

Ministri i Ekonomisë Kreshnik Bekteshi tha se me këtë më lehtë do të përballemi me krizën energjetike. Shtoi se TEC Ostlome këtë vit ka thyer rekord të dekadës së fundit me prodhimin e saj.

“Këtë vit kanë thyer rekordet e dekadës së fundit sa i përket punës dhe prodhimit nga kjo termoelektranë, me të vetmin qëllim që çmimi i energjisë elektrike të jetë më i ulët për nevojat e tregut të rregulluar dhe të krijohet një hapësirë që të mund të përfshijmë edhe shfrytëzues tjerë të energjisë elektrike”- pohoi Kreshnik Bekteshi, Ministër i Ekonomisë.

Drejtori i EMV-së Kovaçevski tha investim që është duke u bërë për momentin i përgënjeshtron informacionet e opozitës se Termocentrali i Osllomesë do të mbyllet në këtë periudhë dhe do të largohen punëtorët nga puna.

VIDEO:

/tv21