Policia kap 25 vjeçarin, vidhte naftë..

Sektori për Punë të Brendshme-Tetovë, njofton se gjatë ditës së djeshme ka privuar nga liria 25 vjeçarin A.A. nga Jellovjani i Tetovës për shkak të dyshimit se ka kryer vjedhje të karburantit nga disa makina të ndryshme.

“Dje (25-tetor) në ora 15:00 në rrugën “Bllagoja Toska” afër një lokali hotelerik në Tetovë, zyrtarë policorë të SPB Tetovë kanë privuar nga liria personin A.A. (25) nga Jellovjani i Tetovës.

Për shkak të dyshimit se gjatë muajit të kaluar dhe këtij muaji ka kryer pesë vjedhje të karburanteve nga automjete të ndryshme. Nga A.A. janë marrë dy bombola me karburant, të cilat dyshohet se janë lëndë nga vjedhjet e raportuara.

Rasti po zbardhet dhe dokumentohet kurse kundër A.A. do të përgatitet parashtresë përkatëse”, njoftojnë nga SPB-Tetovë.

/Alsat.mk