Fatmir Dehari dje BETONOI subjektin e BDIs..!

Kryetari i komunës së Kërçovës, Fatmir Dehari i ftuar në emisionin Click plus në Tv21 tha se fjala grup i zjarrit nuk i pëlqen dhe se ai nuk është grup por përplasje ides hose debat i pakanalizuar dhe përplasje mendimesh dhe idesh, ndërkohë që ka komentuar edhe punën e Zëvendëskryeministrit të parë Artan Grubi dhe projektet që duhet bërë e që nuk anë bërë, transmeton Zhurnal.mk.

I pyetur fillimisht për grupin e zjarrit, Dehari tha se nuk do e quajë ashtu pasiqë ka qenë një debat i pakanalizuar.
“Më shqetëson fjala grup, grupi i zjarrit, nuk do ta quaja grup apo që kanë hapur telashe.

Ka qenë më shumë një debat i pakanalizuar, përplasje mendimesh dhe idesh. Ka një interest ë jashtëzakonshëm që është një diçka shumë pozitive”, ka deklaruar kështu Dehari duke shtuar se edhe ai ka pasur pakënaqësitë e tij.

“Kjo përplasje ka të bëj me mendimet, idetë dhe konceptet, kam shprehur pakënaqësitë e mia, jemi jë familje 20 vjeçare sinqerisht shpesh ka ndodh që kanë pasur mendime nga më të ndryshmet, nuk shoh ndonjë gjë të keqe në këtë konfrontim brenda partisë, kësaj rradhe ndodhi pak më ndryshe, kishim një lloj paraqitje të drejtpërdrejtë me qytetarin”, ka thënë kreu i komunës së Kërçovës, Fatmir Dehari i cili njëherit është dhe anëtar i Kryesisë qendrore të BDI-së.

Dehari më tej ka thënë se janë mësuar nga kryetari Ahmeti i cili i ka udhëzuar të gjithë që të shprehin mendimin e lirë mbi pakënaqësitë që kanë.

“Nuk është debat për pushtet, kryetari na ka udhëzuar që të shprehet mendimi i lirë në tavolinë për çdo gjë që ne mendojmë se nuk shkon, kemi të pakënaqur me punën, me realizimin e programit, të paraqesesh kërkesa nuk do të thotë se luftën e bën për pushtet, nuk shkarkohet një fuksionar për të vendosur një tjetër”, theksoi Dehari.

I pyetur më tej lidhur me projektin e spitalit të Kërçovës, Dehari tha se nuk do të pres më tjerë ministra në vizitë por vetëm atë që do e bëj inagurimin e objektit.

“Në vizitë e sipër ish ministri Venko Filiçe bashkë me ministrin Bekteshi, pas tyre ministri Sali, po e them nga kjo studio se nuk do të pres më në mandatin tim një ministër tjetër që vjen për të bërë fotografi në spitalin e Kërçovës, unë do të pres vetëm me një kusht, ministri që do të presë shiritin e inaugurimin të spitalit, e ndjej veten përgjegjës për realizimin e projektit edhe pse nuk varet nga unë, kanë kaluar shumë ministra dhe nuk është bërë asgjë”, sqaroi kështu qëndrimin e tij Dehari.

Duke folur më tej mbi parimin e llogaridhënies dhe punës së ekzekutivit, Dehari tha se ai parim duhet vendosur për të gjithë dhe llogaridhënia duhet të zbresë në bazë.

“Llogaridhënia është si një parim që duhet bërë në parti, lartë poshtë mund të bëj një përshkrim sepse ka punë që jam i kënaqur dhe pres punë që duhet të bëhen, ne kemi një brigadë në administratë të sistemuar dhe sot ato realizojnë veprimtarinë e tyre dhe implementojnë mënyra që po ndihmojnë qytetarët gjatë dhënies së shërbimeve.

Sigurisht që llogaridhënie nuk kemi kërkuar kryetarit Ahmeti por në komunikim e sipër me ministrat të zbres në baza edhe unë si kryetar komune në të gjitha këshillat vendor e në organet e partisë, njejtë edhe Visar Ganiu si nënshkrues i letrës duhet të jap llogari në bazë në komunë, në këshilla vendor në Çair etj”, tha më tej Dehari.

Teksa përmend bashkëpunimin që ka me anëtar tjerë të partisë, Dehari përmend Hazbi Likën dhe më tej Izet Mexhitin.
“Me Hazbi Likën kam bërë hapat e parë që e kemi filluar në vitin 1998-1999.

Kemi njohur kryetarin tonë Ali Ahmetin në UÇK të Kosovës, në Bashkimin Demokratik për Integrim kemi vazhduar bashkë me Izet Mexhitin, unë Izetin e kam shok që 20 vjet dhe çfarëdo që të ndodh në politikë raportet njerëzore me Izet Mexhitin do të përfundojnë kur të përfundojmë në botën tjetër”, tha Dehari, transmeton Zhurnal.mk

/zhurnal