Austri: Çdo e gjashta familje nuk mund të përballojë shpenzimet mujore..

Inflacioni vazhdon të godasë Austrinë. Dy të tretat e të gjithë austriakëve janë seriozisht të shqetësuar për gjendjen e tyre financiare.

Kjo rezulton nga një sondazh i realizuar nga platforma online durchblicker.at.

90 për qind e të gjithë të anketuarve tashmë po ndiejnë rritjen aktuale të çmimeve në buxhetin e tyre familjar:

“Çdo e gjashta familje tani duhet të përdorë një kredi ose të shkurtojë shpenzimet për të mbuluar kostot e saj fikse, çdo e nënta familje nuk mund të mbulojë aktualisht kostot e saj fikse”, citon raportin e sondazhit heute.at.

Kjo do të thotë se, në mënyrë rigoroze, 16.7 për qind (një e gjashta) shpenzojnë më shumë sesa fitojnë dhe 11 për qind janë tashmë të shteruar financiarisht, përcjell albinfo.at.

Por, frika po rritet gjithashtu në masën e gjerë të popullsisë: Qytetarët në rajonin e Burgenland janë më të shqetësuarit (77 për qind), të ndjekur nga qytetarët e rajonit të Austrisë së Ulët me (70 për qind) dhe më pas nga banorët e Austrisë së Epërme me (69 për qind).

Dhe: Pothuajse të gjithë të anketuarit (96 për qind) presin që situata të përkeqësohet më tej dhe kostot fikse të rriten. Vetëm rreth 48 për qind e qytetarëve në Austri besojnë se paketat e ndihmës të qeverisë janë të mjaftueshme, kurse 52 për qind jo.

/albinfo