Ndahet nga jeta i riu Kërçovar në Zvicër. Fatmir Limani me letër ngushëllimi

E PIKËLLUARA FAMILJE OSMANI !
E sontmja shënon natën më të trishtë në mbamendjen e Familjes Tuaj.

Të gjitha rastet e ndarjes nga kjo jetë, për të kaluar në botën e përjetshme janë të frikshme, të vështira, të dhembshme, të trishta dhe i takojnë pikëllimit të thellë.

Të gjitha humbjet mbeten të shënuara në kalendarin e familjes si ditë’zie, të cilat nuk shlyhen nga kujtesa dhe zemrat e familjes.

Por përcjellja e Djalit përpara Prindërve është e ngjajshme me verbërimin, me shkuljen e zemrës, me rrënimin e shpirtit, me shembjen e qiellit mbi kokë dhe me shkatërrimin e tërë botës.

PRINDËR TË LËNDUAR !
U shpreh ngushëllimet të thella e të përzemërta në emër të mbarë familjes, për ndarjen nga jeta të djalit Tuaj.

Sonte lutemi që trupi i Birit Tuaj, të prehet i qetë në tokën e të parëve dhe shpirti t’i lartësohet në qiellin e përjetësisë.
Perendia t’u dhurojë forcën e përballimit me këtë dhembje që vje nga ndarja me dritën Tuaj.

I përjetshëm kujtimi, për ILIRIN.
Të prehet i qetë !
Shkruan Fatmir Limani në facebook duke shprehur ngushllime

/ms