Ligjeratë Islame në Xhaminë Katër Halifet në Kërçovë

Mbrëmë, pas namazit të Akshamit, Myftinia e Kërçovës, në bashkëpunim me një grup të rinjësh, filloi ciklin e ligjeratave periodike me karakter edukativo-fetar.

Myftiu Qamil ef. Rushiti në cilësinë e nikoqirit e përshëndeti nismën duke folur për efektin e këtyre takimeve dhe afrimit me njëri-tjetrin për të përkujtuar fjalët e Allahut Fuqiplotë dhe porositë e profetit Muhamed a.selam.

Ligjerues në këtë takim kishim mysafirin e nderuar teologun prof. Vladimir Kera, i cili shtjelloi temën: “Një i ri si Muhamedi a.s”.
Ndërkaq, zemrat tona me fjalët e Allahut të Gjithmëshirshëm i qetësoi me leximin e Kuranit Fisnik lexuesi i mirënjohur Arjol Gjuci.

Allahu i Madhrishëm i shpërbleftë dhe takimet e dhashtë Zoti i Madh të kenë jetëgjatësi.
15.10.2022,
Kërçovë
Zyra për informim
Myftinia e Kërçovës

/ms