Bekteshi: Ahmeti lider i padiskutueshëm, ne ministrat e BDI-së ndër më aktivët në Qeveri..

“Ministrat e BDI-së janë ndër më aktivët dhe çdo ditë raportojmë para qytetarëve” theksoi ministri i ekonomisë dhe anëtar i BDI-së, Kreshnik Bekteshi mbrëmë në emisionin “Vetëm Intervistë” në Kanal5.

Ai ka folur edhe për takimin e fundjavës të organeve më të larta të BDI-së, ku ministrat do të japin llogaridhënie, pas kërkesë së të ashtuquajturit “Grupi i zjarrit”.

“Nuk pres ndonjë eskalim, unë do të raportoj para organeve partiake, dhe më e rëndësishmja para qytetarëve.
Ministrat e BDI-së janë më aktivët në Qeveri.

Ndërsa Ahmeti tanimë 20 vite është lideri i padiskutueshëm, që ka treguar se i mendon të mirën shtetit”, deklaroi Bekteshi.

/ts