Policia në akcion: Rreth 700 shoferë dënohen për tejkalim shpejtësie..

Policia gjatë ditës së djeshme është treguar e pamëshirshme ndaj shoferëve të cilët kanë qarkulluar me shpejtësi më të madhe nga e shpejtësia e lejuar.

Nga Minstria e Punëve të Brendshme informojnë se kanë realizuar kontrollim të përforcuar aksional në tërë terrirorin e Republikës së Maqedonisë së Veriut, ndërkaq janë shqiptuar 695 sanksione.

MPB
“Në këtë aksion janë sanksionuar 695 shoferë, prej tyre tridhjetë e tetë kanë qarkulluar me shpejtësi mbi 50 km në orë nga shpejtësia e lejuar, kurse pesë shoferë ka qarkulluar me shpejtësi mbi 70 km në orë nga e lejuara. Po ashtu është konstatuar se 376 shoferë e kanë tejkaluar shpejtësinë e qarkullimit në vende të banimit kurse 319 jashtë vendeve të banimit”.

Nga MPB, gjithashtu theksojnë se edhe në Shkup janë sanksionuar 102 shoferë për tejkalim të shpejtësisë së lejuar.

MPB
“Vetëm në territorin e qytetit të Shkupit janë shqiptuar gjithsej 164 sanksione, prej të cilave njëqind e dy sanksione për tejkalim të shpejtësisë së lejuar, shtatëmbëdhjetë sanksione për drejtimin e automjetit pa patentëshofer, tre sanksione për automjete të paregjistruara, tri masa për kalim në semafor ngjyrë e kuqe”.

Ministria e Punëve të Brendshme infromon kontrollimet e përforcuara në trafik do të vazhdojnë edhe në ditët në vijim dhe të njejtit u bëjnë apel të gjithë pjesëmarrësve në komunikacion që t’u përmbahen rregullave dhe rregulloreve me qëllim të rritjes së sigurisë në rrugë.

VIDEO:

/shenja